晨光追擊│「金駿星」好吸引
更新時間：18:55 2025-08-21 HKT
發佈時間：18:55 2025-08-21 HKT
發佈時間：18:55 2025-08-21 HKT
字體大小
昨朝乃周四晨課，亦是本季首次開放千八草地跑道，然而出跳馬未算太踴躍，操練報道如下。
「天火同人」韋達草地跳兩段，末段加速反應唔錯，老馬有火馬身夠實淨，毛色亦夠潤澤。
「快樂寶寶」希威森拍「千杯不醉」助手草跳兩段，前駒淡淡定試得乖巧，之後加速反應又好，試得出色進度理想；後駒尚算肯走，不過出腳甚高也帶點笨重，走勢平淡。
「金駿星」奧爾民草地跳兩段，上課快跳見好，今課落草地更醒神，朝氣勃勃好吸引。
「快靚旺」戴頭罩由助手草地跳兩段，少少懶唔介意，神情專注表現對辦，馬身結實毛色悅目。
「凱明神駒」戴頭罩由潘頓跳兩段，動作流暢平衡力好，細粒仔馬身結實，力度亦唔錯。
「正本無敵」戴頭罩由助手草地跳兩段，步順開揚力度不弱，轉倉後保持理想進度。
「亨驥」戴頭罩由潘頓跳兩段，湧住去心火旺盛，馬身靚步開揚，神態昂揚朝氣夠。
「川河帥駒」戴頭罩由助手草地跳兩段，輕描淡寫姿態輕鬆，走勢硬朗有彈力。
「年年友福」戴頭罩由田泰安跳兩段，弓起雞公頸而馳，皮光肉滑馬身飽滿，加盟沈廄後好省鏡。
「穿雲達月」戴眼罩由梁家俊跳兩段，神色不差外觀唔錯，不過氣勢未算旺盛。
「添開心」戴頭罩由助手跳兩段，一貫急口，畀佢走格外開心，神態活躍步挺硬淨。
「博愛先鋒」戴頭罩由助手跳兩段，細馬身夠壯，俯首情緒集中，出腳開揚力度充裕。
兆文
