晨光追擊│ 「勁好運」人強馬壯

更新時間：03:11 2024-10-09 HKT
發佈時間：03:11 2024-10-09 HKT

游達榮曾為著名練馬師韋利安征戰，而當時馬房主帥正是艾兆禮，如今好友異地重逢，自然希望可以擦出更多火花。事實上，艾兆禮高度重視游廄馬，不時親身主課，呢對組合絕對值得期待。

第二場第五班一○○○米：「連連勝利」一係唔贏，一贏大勝加分極多，以致此後沉寂了一段時間，及後回夠氣試過連續三仗上名，可惜跟手再次由盛變弱，去到上季尾落五班才重新振作。「連連勝利」能力平凡肯定之事，幸好減分已多，且五歲馬年輕力壯，要贏番場無難度。

「連連勝利」加盟游廄備戰循序漸進，八月二十七日進行首課快跳，隨後工夫不斷加強，去到九月十日試首課大閘，十日後再試多課，該課到谷草出試刻意仄準谷草性能。看「連連勝利」九月二十日試谷閘前後兼備跑第二，只不敵八十九分的「幸運遇見」，更吸引是平日快跳或踱步都要伴跳馬跟出跟入，火氣好到不得了，今次有望為游達榮取得來港開倉後的首勝。

第三場第四班一六五○米：「勁好運」上季五戰無一次是票數強勁，但仍兩度上名，而且兩仗用不同跑法，首次跑千四走位12-11-8-3，第二次爭田草千六走位5-3-3-3，足見其能耐。中距離馬今季轉五歲成熟躍進，上仗縱使第一次到谷草作賽，但仍備受熱捧，當然，突然獲得潘頓垂青，並排有利二檔起步，而賽前試閘交出極佳走勢都是熱捧原因。

「勁好運」在谷草曾有試閘經驗，果然在這個場地發揮極佳，跑第二輸半個馬位，是至今表現最好一次，再三睇片發現早段不止搶口，更弊入直路稍稍移出較外走線，同時冠軍「黑桃火箭」沿中內檔衝刺慳位。「勁好運」已有谷草經驗，今次再接再厲戰力比前有增無減，繼續配潘頓人強馬壯。

兆文

↓立即下載星島頭條App↓