B女靚馬——光明先驅降班有利
更新時間：05:24 2023-07-09 HKT
發佈時間：00:00 2023-07-09 HKT
發佈時間：00:00 2023-07-09 HKT
字體大小
第三場五班千六米，我就鍾意「光明先驅」。佢今場初落五班，計近仗表現值得寄予厚望。上仗佢早段沿二疊放得頗快，結果在百幾米開始被追過，不過依然保持均速，只個幾身位已算唔錯。今場落五班十分有利，而且排檔亦唔差，只要早段唔好去得太盡，留力至末段才盡情發揮，相信有機會打開勝利之門。配腳我揀「爸巴閉」同「喜愛善」。
第八場三班千二米，我就揀「量化歡騰」做重心。佢今季成績非常穩定，而且未甩過獎金。上仗早段放得好靚，而且全程守住內欄，沿途都跑得好穩陣，到直路望空亦走勢暢順，到了季尾仍具備作戰水準。今次賽前在從化操練，而且轉戰田草，相信可藉此帶來新鮮感，既然預期賠率好分，更加值得捧場。配腳我揀「神之水滴」同「龍之心」。
B女
