南區旺一擊即中

更新時間：03:00 2023-02-08 HKT
發佈時間：03:00 2023-02-08 HKT

文家良可練多一季，即至少練埋下季才退休，之後會否繼續玩落去則不得而知。事實上，文家良近年成績平穩，更訓練出「金鑽貴人」，既然馬會早已向姚本輝開綠燈，無理由大細超，而文廄成績不俗且作風正派，對馬迷來說也是好事。
第五場第四班一○○○米：「南區旺」乃今季來港自購馬，十一月初開始展開操練，大多時間在從化訓練，首課大閘十二月二十二日於當地出試，該閘試八百米走勢不俗，走位1-1-2，同廄侶「勁無敵」一直爭持激烈，最後串Q雙雙彈甩其他馬匹。
一月九日「南區旺」再試從化閘，這次試一千草閘表現再進一步，輕鬆一放到底。或許會說從化閘水準不高，但再看看一月二十八日「南區旺」的谷閘表現，一如首兩課的快閘搶放，繼而輕鬆一放絕塵，而且應付上落山及轉急彎無問題，確認上火上力，仲要谷草必定啱跑。一切準備就緒，強配潘頓有力一擊即中。
第六場第三班一二○○米：「美麗笑聲」上季自購馬，五戰次次熱捧，未能贏馬確實令人有點失望，但除了首兩仗，其餘三仗都負重磅，對於三歲馬而言有一定難度，相對次次躋身前列，仲要用晒唔同跑法，表現及格。
「美麗笑聲」今季首戰繼續被熱捧，無奈沿途搶口下再次失手，於是蔡約翰在配備上動手，替牠加上防沙眼罩及頭罩，藥到病除翌戰迅即補中。之後「美麗笑聲」升班上名，往後兩仗轉戰同程悉數勝出，首次贏馬締超快時速一分九秒二七，可以話靠輕磅及場地快之助，接戰重磅仍跑出一分九秒四一佳速，兩場頭馬同樣勁揪。上仗「美麗笑聲」首度出戰二班兼跑番田草非戰之罪，今次重返主場跑番三班，補中呼聲高唱入雲。