高瞻遠矚的物業投資者｜湯文亮

更新時間：12:23 2025-11-10 HKT
發佈時間：12:23 2025-11-10 HKT

有老友話近2年，差不多所有物業投資者都損手爛腳，但有一個做物業投資的朋友，非常風花雪月，唔聽到佢講蝕錢，究竟朋友做甚麼類型物業投資者。

老友可能唔知道，他的朋友非常高瞻遠矚，知道樓市即將調整，而自己手上物業唔係咁容易出售，於是化整為零，拆售手上最難出售的物業，就是那些Podium式商場，將一個Podium或者酒樓，分間成幾十個小型商舖，然後用高佣金，保證兩年回報出售，仲話一個車位價錢，就可以買到一個舖位，唔買就笨，當時銷情都唔錯，就算未能一「Q清袋」，但亦差不多，現在諗返轉頭，那些投資者真係叻，說他們是最高瞻遠矚的投資者亦不為過。

不過，還有一些投資者更加高瞻遠矚，知道拆售Podium式商場有利可圖，於是低價買入一些廢棄的Podium或者酒樓，間細之後以商場舖形式出售，獲利當然可觀，但都是一次性，因為買入那些商場舖的人，日後很難搵到新買家承接，就算連租客都很難搵，那些商場慢慢地變成港式城中村，只剩一些修甲，按摩，修改衣服的小生意進駐，可以說，那些Podium式商場永無翻身之日，以一個物業投資者來說，如果並沒有持有那些商場舖，都可以說是高瞻遠矚。

湯文亮
紀惠集團副主席及行政總裁

相關文章：物業投資者錯過了今次股市升浪｜湯文亮

上車驗樓，星島搵專家幫你手！如果你有新盤驗樓、裝修分享，請即Email：[email protected]