女星潮打回春針！《東周刊》曼谷直擊羅霖赴泰做「回春療程」梁芷珮老公靠打針解膝頭痛困擾

即時娛樂

更新時間：10:00 2025-10-21 HKT
發佈時間：10:00 2025-10-21 HKT

現年60歲的羅霖，多年來被稱為「美魔女」，事關她已屆「登六」之年仍然肌膚白滑、身材玲瓏浮凸。據了解，羅霖多年來除了注意飲食及運動，亦有接受「特別的療程」回春，最新一期《東周刊》獨家直擊羅霖秘飛泰國打「回春針」。

羅霖秘密飛泰國打「回春針」

兩度推出寫真集、身為三子之母的羅霖，能夠保持少女般的身形，並非一朝一夕的事。她表示下了不少苦功，但坦言維持美好身形，從不靠節食，因為她人如其英文名Candy，愛吃甜東西之餘，更從不戒食澱粉質。

最近秘密飛到泰國打「回春針」的她，據悉這是當地醫美的新潮流。羅霖說：「我一年前都喺內地打過幹細胞針，呢樣嘢其實已經好多年，亦都有科學根據。今次去之前，為咗穩陣起見，醫院要我驗血，睇吓我有冇啲乜嘢病係唔適合打，例如做過啲咩手術、長期病患等，同埋最近食啲咩藥物等。我去泰國打幹細胞針，係想修復自身嘅細胞，咁樣個人都青春啲。」羅霖表示不擔心有副作用，因為幹細胞半年就會被吸收。

莊思敏：冇咁容易水腫

除了羅霖之外，近日再婚非常甜蜜的莊思敏亦慕名到泰國接受「回春療程」，Jacquelin對此亦表示直認不諱：「醫生有詳細講解俾我知我需要啲咩，而我自己都好進取㗎，唔單止打咗幹細胞，跟住打咗個補腦嘅，又打咗個維他命C針令皮膚美白，仲打咗一個幫助新陳代謝，令到我冇咁容易水腫，加加埋埋都使咗10幾萬蚊㗎。」