TVB擬搞《男神配對計劃》？多位男星被點名陳瀅緋聞男友遭群眾反對

更新時間：21:30 2025-07-21 HKT
發佈時間：21:30 2025-07-21 HKT

TVB戀愛真人騷《女神配對計劃》自播出以來掀起熱話，五位女神羅毓儀（Yuki）、梁敏巧（Maggie）、李芷晴（Stephanie）、關嘉敏（Carman）及葉蒨文（Sophie）人氣急升，一舉一動備受關注。有指因節目反應不俗，TVB的「seesawsin」IG近日出現《男神配對計劃》「小編私心」之選，引起網民熱議。

《男神》「小編私心」試水溫

在「seesawsin」IG帖文的配圖，見到欽點三位男藝人，分別有周嘉洛、丁子朗、吳偉豪，又強調是「小編私心」之選：「來都來了，大家不如開心share下覺得邊個適合參加《男神配對計劃》？」不過網民就猜測是否想推出《男神配對計劃》，提前公開三人試水溫。

周嘉洛被Tag原因

但三位被點名的男星之中，竟然有大批網民反對周嘉洛參加，留言指「周嘉洛不可以，他是陳瀅的」、「周嘉洛係屬於吳偉豪㗎」、「周嘉洛係朱敏翰嘅」，更有人Tag周嘉洛，搞笑留言：「你好忙喎！睇留言，你又屬於吳偉豪嘅，又屬於朱敏瀚嘅，又屬於陳瀅嘅，點分配時間」。

焦浩軒關《愛．回家》事

至於丁子朗同樣惹來「反對」聲音，原因指「丁子朗唔係有女朋友嘅咩？」。因戀綜節目講求戲劇效果，較適合真正單身的藝人參加，如搵已有伴侶的藝人，會對另一半不公平，甚至戲假情真導致情變。不少網民又認真挑選TVB男星，希望羅天宇、張馳豪、冼靖峰、孔德賢參加，其中被點名的焦浩軒，原因竟然與《愛．回家之開心速遞》有關，想睇「愛回家三子」。

↓立即下載星島頭條App↓