「池子孝」阮政峰告別《愛回家》！宣布離巢結束與TVB 14年賓主關係 與「金城安」相擁落淚
發佈時間：12:00 2025-07-19 HKT
TVB處境劇《愛回家之開心速遞》自播出以來收視一直高企，在網絡上製造了不少話題，雖然近年有不少新血加入，繼《中年好聲音2》的譚輝智和《中年好聲音3》的李金凱先後加入劇組後，《中年好聲音3》的劉洋亦加入劇組飾演「曹總」的堂細佬「曹雪」，但「有入自然有出」，不少繼「高小姐」甄采浠、「Lisa」姜麗文等人告別《愛回家》後，昨日（18日）又有演員宣布「離家」。
阮政峰離開TVB結束14年的賓主關係
在劇中飾演「池子孝」成功入屋的阮政峰，昨日在IG拍片宣佈已經離開TVB，結束14年的賓主關係，阮政峰稱做出這個決定的這一天，正在為《愛·回家》的宣傳活動擔任司儀並直言：「幫你哋做咗百幾場MC，最後一場道別都幾浪漫。」阮政峰在活動完畢後，與好兄弟周嘉洛相擁，忍不住流下男兒淚。
相關閱讀：「Liza」姜麗文疑告別《愛回家》！角色突然辭職 晒與「池子孝」合照惹離巢疑雲？
「池子孝」阮政峰昨日在IG貼了一段短片宣布離巢：「各位，我離開TVB喇！我記得做呢個決定嗰日，我係做緊《愛回家》嘅MC，幫你哋做咗百幾場MC，最後一場道別都幾浪漫。」片中看到「金城安」周嘉洛緊擁着阮政峰，阮政峰忍不住流下男兒淚，他續說：「其實開騷之前有諗過點樣同大家送別，我決定效法主播『有緣再見，拜拜。』好開心同你哋並肩作戰咗8年，稱霸咗一年嘅收視冠軍，係我哋努力打出嚟。」接着阮政峰於不同活動上跟台前幕後道別，他又稱：「如果你想學武術嘅話，你可以搵我，因為我係武術導師。又如果你想要啲創意配音稿，幫你錄埋VO，又可以搵我，因為我係隻dub。當然婚宴、event MC，你都可以搵我啦，因為我係擁有百幾二百場經驗嘅氣氛MC。再唔係你需要人表演魔術，又可以搵我啫，因為我又係魔術師。最後，如果大家拍劇、拍戲，需要演員嘅話，搵我！因為我由始至終都係一位演員。」
阮政峰自小是一個熱愛功夫的人，8歲開始習武，師承武術家李暉，2011年加入第25期TVB藝員訓練班畢業後簽約TVB，入行初期曾是兒童節目《放學ICU》的主持之一，並為布偶角色「蔥蔥」配音，成為不少90後觀眾的集體回憶。隨後阮政峰因參加武術選秀節目《功夫新星》嶄露頭角，開始轉型參與拍攝劇集，其中在《心路GPS》、《師奶Madam》、《愛·回家之八時入席》、《心理追兇 Mind Hunter》，近年在《愛·回家之開心速遞》飾演「池子孝」，除了與「池美麗」的兄妹爆笑外，與「Lisa」姜麗文的一段情亦得到觀眾歡心，可惜最後因姜麗文離巢，這段戀情亦告一段落。
相關閱讀：《愛回家》人氣綠葉為賺錢養家一星期做足7日 久別幕前終復出 精通日語轉行做老師
