67歲李成昌認想北上發展但「唔係依家」親解原因 網民讚：靈魂自由 為供女兒赴英讀書搏命開工多年
發佈時間：11:00 2025-07-18 HKT
TVB金牌綠葉李成昌，即使已經67歲屆退休之年仍不斷工作，單是2022年便有7部劇出街，2023年都有4部。近年李成昌進駐內地人氣社交平台小紅書，熱愛行山郊遊的他，不時拍片分享生活。近日李成昌再次邊行山邊拍片，大談對TVB藝人北上發展的看法。
李成昌加入TVB至今45年
今年67歲的李成昌，自1979年考入無綫電視藝員訓練班畢業後正式加入TVB，至今已有45年。李成昌近日在小紅書拍片，笑言自己最愛行山，因此他拍片時都是邊行山邊拍攝。李成昌在最新一段影片中談及近年TVB藝人北上發展趨勢。他說：「最近有朋友問我，佢話，昌哥，點解你唔學你其他同事返內地發展，譬如話，拍劇、商演，或者係帶貨之類，咁我就同大家分析吓。」
李成昌稱北上發展同事分三大年齡層
李成昌把北上發展的TVB同事分為三個年齡層，分別是20至30歲、40多及近乎退休或者已經退休人士，「第一個就係廿多三十歲，咁佢哋無限青春，有活力有幹勁，咁真係好應該返去發展嘅，大家睇到啦，我哋好多同事都返去闖咗一番事業。」他續說：「第二種呢，就係四十多歲嘅同事，佢哋積咗好多社會經驗，人生經驗、工作經驗，咁就真係好應該返去試吓自己嘅能力。」
李成昌認為自己屬於第三種，即是近乎退休或者已經退休人士。他說：「即係好似昌哥呢種，咁呢一種都要分兩種，譬如一種就係為興趣，覺得自己仲有能力，仲受歡迎，仲有得發展嘅，幾大都返去搵吓錢啦，啱唔啱啊！邊個嫌錢多。另一種就係，佢有自己嘅理想，有自己嘅夢想，又或者有自己想做嘅嘢，咁就唔返住喇，呢一種呢就係昌哥喇。」
李成昌表示，自己入行差不多50年，他表示自己在工作以外，仍有很多夢想未完成。他說：「譬如話我哋中國嘅中好河山。昌哥真係唔係去過好多，所以趁依家半退休，我幾大都返去行吓睇吓，因為仲趁我行得走得，同埋我好想多啲對吓我啲朋友同家人，跟住就係行山啦，昌哥就好鍾意行山，好似依家咁成日行吓山幾開心。」
不過，他表明自己其實有意北上發展，「至於我返唔返呢？我返嘅，到我滿足晒或者做足晒，或者做到啦，唔一定滿足晒或者做足晒，即係我依家嘅想法，我嘅理想就話呢，到時我會返內地發展，希望到時大家，希望大家唔好嫌棄昌哥。」不少網民大讚李成昌的想法是「靈魂自由」，更有人力撐李成昌配得上一個「最佳男配角」獎。
其實李成昌曾表明，自己搏命開工，主因是要供女兒讀書。李成昌與圈外太太1993年結婚的他，兩人育有一名女兒，有如掌上明珠般愛錫。據了解，李成昌的女兒今年24歲，仍然在讀書。本來已踏入退休之齡的他曾在受訪時透露，現時仍繼續工作，原因是要供女兒讀書，當時他指女兒將要在英國攻讀兩個心理學碩士學位，笑言要做到74歲。
其實李成昌除了希望供女兒讀書之外，同時亦非常熱愛演戲，而且對TVB相當忠心。他於指入行近半世紀，先後多次被其他電視台挖角，但他仍然留在TVB。而李成昌早前亦獲公司TVB續約兩年，他更大讚公司續約條件優厚，近年更成為醫美代言人，認真犀利。
