吳博君離世丨患病後由先天性小兒麻痺症妻辭職照顧老公 吳博君生前感恩:冇咗佢唔知點算

更新時間:17:32 2025-07-15 HKT
發佈時間:17:32 2025-07-15 HKT

有TVB御用小人物吳博君,2018年證患上「漸凍人症」,其家屬今日(15日)透過由吳博君發起籌款的「有艇搭慈善基金會」公布吳博君死訊,指吳博君已於7月2日離世,終年69歲。吳博君與患先天性小兒麻痺症的吳太結婚多年,以往由丈夫照顧,又有穩定工作,一家居住在荔景單位,生活無憂,卻因吳博君的病情令生活有極大轉變。

吳博君太太聘外傭幫忙

自吳博君出事後,由吳太辭去工作,全天候照顧老公,吳太身型嬌小,約5呎的身高,又患有青白眼、白內障、嚴重近視及老花,更因為半邊身較無力,上落樓梯時會一拐一拐。要照顧不良於行的老公吳博君,吳太咬緊牙關未有放棄,每日靠嬌小無力的半邊身,攙扶老公到梳化上伸展肌肉,每坐一小時又重回床上。加上吳博君頸部及吞食肌肉無力,要將粥及肉碎攪成糊狀餵食,並插尿喉放尿,每日至少上下床6至7次,單憑吳太一人,難以獨力照顧,最終要聘請外傭減輕照顧壓力。

相關閱讀:前TVB御用小人物吳博君離世終年69歲 患漸凍人症7年 由患小兒麻痺症太太照顧生活

吳博君太太勞心勞力

吳博君太太曾不諱言,外傭幫助下輔助到八至九成日常照顧工作,但部分必須由自己獨力完成,例如家中的廁所太細,只能由她輔助吳博君沖涼,外傭負責換衫,老公入睡後只保持一個睡姿,吳太就要由每日凌晨開始,分兩次起床幫老公轉身。

吳博君妻曾壓力爆煲

吳太對獨力照顧老公吳博君,家中開支一半靠積蓄補貼,曾擔心會有耗盡的一天,吳太曾自爆壓力爆煲,情緒間歇性崩潰,要定期往精神科覆診服藥:「其實丈夫脾氣已經控制得好好,但當你睇到身邊人身體越來越差,你又無能力改變,每個月要補貼萬幾蚊,唔敢諗幾時會無晒啲錢,試過個人崩潰到撼頭埋牆…如果冇(外傭)姐姐嘅話,我諗會攬住佢一齊死。」

吳博君嘆世事無常

吳博君對於太太不辭勞苦的照顧,曾經在訪問上表示:「冇咗佢唔知點算,晚年能有如此禮物好感恩。」吳博君亦感謝各方朋友的支持:「世事無常,今日唔知聽日事,下一刻係點都唔知,要好好珍惜。我希望大家無論如何都唔好放棄,你唔同病魔鬥過都唔知輸定贏。」

吳博君鍾意演戲

吳博君入行逾30年,曾演出不少TVB劇集,飾演店小二、反派等綠葉角色,其代表作有1996年TVB版《笑傲江湖》飾演「桃谷四仙」,吳博君於1997年被TVB裁員,之後轉做酒樓清潔工、麵包師傅等工作。吳博君一直未有忘記做演員的堅持:「我同期同學有湯鎮業、李成昌、廖啟智、陳敏兒。我冇最難忘嘅角色,因為做得太多,一啲少少發揮到嘅角色都仲有印象,就有《笑傲江湖》嘅『桃谷四仙』、《天龍八部》裡面嘅『風波惡』。演員嘅責任就係盡心,就要盡量演好、發揮好,呢個係應該做嘅事,唔好理角色係大定細。依家有機會就會演,有句叫做『一日演員,一世演員』,我無悔做一個演員,因爲我鍾意演戲,我愛上演戲。」