梁釗峰聲明被女星嘲公關做得差：唔係作文比賽 質疑反寸網民 再踩疑似第三者「llmy」乞人憎
發佈時間：22:30 2025-07-11 HKT
38歲C AllStar主音梁釗峰日前被拍拖4年半的化妝師女友「Karen」暗示出軌，被公開疑似出軌證據，訊息由一名叫「llmy」的人發出，訊息內容為「掛住了」，Karen指第三者是圈中人。網民憑四個字母及頭像推測「第三者」疑為ViuTV前口罩小姐。今日（11日）梁釗峰發聲明回應前女友對他的出軌指控，「我絕對有犯錯，的確在分手邊緣裡動心。」言論被大批網民嘲笑，連Naomi馮鎵瀠也發文批評梁釗峰：「公關做得真心差。」
梁釗峰回應出軌聲明句句有骨？
梁釗峰在聲明中回應「出軌」一事只輕輕帶過，反而以長篇幅「反擊」網民，其中一句表示：「我這矮、樣衰、奀星有何德能接受別人的投懷送抱。」似乎是回應網民近日對他的批評。Naomi今日在Threads表示：「堆字會唔會太過多煽情字眼？而家唔係作文比賽，越多寫作技巧拎越高分，有好多字眼，睇得出係特登串翻留言嘅網民喎！仲要拎張小三WhatsApp對話cap圖出嚟？而家比人感覺係你保護住小三llmy，再乘機隊前度一刀，話佢當你係仇人，想暗示前度出post係要報仇？你出軌，唔係重要感謝你吖嘛？搞清楚件事，邊個先係受害者先好喎！無咗大公司back up ，公關做得真心差，llmy關閉留言功能，呢啲小動作真係乞人憎到爆。」更質疑梁釗峰在事發後數天才回應的原因：「隔咁多日先回應，都係因為要作文啫……男子漢大丈夫，第一日就應該衝出嚟認錯。」
相關閱讀：梁釗峰回應前女友出軌指控 認「分手邊緣動心」 公開被指出軌訊息完整內容：對方沒打算介入
網民不信梁釗峰沒有出軌
梁釗峰在聲明沒有承認出軌，僅指「的確在分手邊緣裡動心」，被網民質疑玩語言藝術。有網民表示：「對方沒打算介入關係？但個對方知道你唔分手，寫no I think i can't，事實係點，得你先知」、「梁釗峰，你個事業玩完喇」、「msg又無日期，事後打咩都得啦」。另外，梁釗峰在聲明中向前女友表示「若今生緣盡，望來生再指教」，有網民嘲：「下世仲要再遇到你？唔好啦」。
相關閱讀：梁釗峰第三者真身曝光？矛頭疑指34歲口罩小姐 前女友直斥出軌摧毀了信任：提防的不只一個
