陳錦鴻18歲仔將上節目晒音樂才華？自爆因子患自閉症失預算：點知原來佢唔聽人講嘢
發佈時間：19:54 2025-07-11 HKT
陳錦鴻與DJ太太杜雯惠育有一子，兒子陳駕樺今年已經18歲，非常有音樂天份。陳錦鴻夫婦去年接受劉雅麗的YouTube頻道直播訪問，陳駕樺更罕露面受訪及演奏鋼琴，展示琴技。日前陳錦鴻接受好友王者匡（Harry哥哥）主持的港台節目《鄰到我請里》訪問，分享當年曾看書學做爸爸，最終發現兒子患自閉症，令他大失預算。
陳錦鴻兒子或將上節目表演
Harry哥哥在節目中大讚陳錦鴻兒子很有音樂才華，直言打算邀他表演，他說：「佢係好有才華嘅年青音樂朋友，好快我會有機會邀請佢喺我哋啲音樂節目出現。」Harry哥哥表示非常喜歡陳駕樺，「呢個小朋友唔係咁普通，佢唔可以被一條簡單嘅線限制住佢。」Harry哥哥非常好奇，陳錦鴻夫婦如何令兒子有今日的成功。
相關閱讀：陳錦鴻17歲兒子六呎高！罕露面晒「演奏級」琴技 患自閉獲栽培變才子
陳錦鴻自小喪父唯有看書學做爸爸
在節目中分享，自己是一個很有準備的人，由於自小喪父，他在生活中難以參考如何做爸爸教育兒子，因此他看書學習。他說：「因為我爸爸都早死，我媽媽又唔係好識字，我要點樣去做父母呢？應該畀啲咩規矩啲仔女，跟住我就明白到中國人智慧，我屋企有5個兄弟姊妹，但我哋5個都有結婚，肯生小朋友，亦好努力維繫婚姻，冇離婚。人生一定有高低，如果永遠將自己理想嘅嘢擺第一位，就好難維持個家庭，咁唯有……我就去搵……睇《朱子治家格言》，我阿媽由細都同我講幾句『黎明即起』、『灑掃庭除』……雖然佢唔識字，但當年個個人都識唸呢幾百字，就融入咗喺基層家庭嘅思想中。」
相關閱讀：陳錦鴻公開教自閉子辛酸史好催淚 放棄工作培養成學霸 一細節令網民佩服
陳錦鴻驚覺原來兒子活在自己世界
陳錦鴻當年初為人父雖有做足準備，卻意外發現兒子陳駕樺有自閉症，使他大失預算。他表示曾期望做好自己本份，以身作則教育兒子成為一個循規蹈矩的人，他說：「我諗住咁樣係有影響，因為喺佢出世之後我就睇《朱子治家格言》，我已經諗晒方法點樣去教育佢，點知原來佢唔聽人講嘢，原來佢唔講我哋啲話，原來佢會作一套語言，佢唔觀察你、對你冇興趣、唔同你溝通，咁就大件事喇！」
相關閱讀：陳錦鴻早前消瘦面黃傳身體有事 近照曝光終於回春被讚keep得好
兒子患自閉症推倒陳錦鴻規劃
陳錦鴻承認兒子患自閉症，完全推倒他對家庭生活的規劃，「絕對係，我以前係好認真，好嚴肅嘅人，我係想每件事都有意義同管理好、編排得好……點知佢原來活在自己世界，咁就大問題喇！」陳錦鴻未因此放棄，仍然用《朱子治家格言》的思想教子，不過就要慢慢教，「佢未必可以吸收得晒，你慢慢嚟佢就會吸收到。所有好嘅嘢，我哋堅持做，慢慢呢個世界就會越來越好。」
