陈锦鸿18岁仔将上节目晒音乐才华？自爆因子患自闭症失预算：点知原来佢唔听人讲嘢
发布时间：19:54 2025-07-11 HKT
陈锦鸿与DJ太太杜雯惠育有一子，儿子陈驾桦今年已经18岁，非常有音乐天份。陈锦鸿夫妇去年接受刘雅丽的YouTube频道直播访问，陈驾桦更罕露面受访及演奏钢琴，展示琴技。日前陈锦鸿接受好友王者匡（Harry哥哥）主持的港台节目《邻到我请里》访问，分享当年曾看书学做爸爸，最终发现儿子患自闭症，令他大失预算。
陈锦鸿儿子或将上节目表演
Harry哥哥在节目中大赞陈锦鸿儿子很有音乐才华，直言打算邀他表演，他说：「佢系好有才华嘅年青音乐朋友，好快我会有机会邀请佢喺我哋啲音乐节目出现。」Harry哥哥表示非常喜欢陈驾桦，「呢个小朋友唔系咁普通，佢唔可以被一条简单嘅线限制住佢。」Harry哥哥非常好奇，陈锦鸿夫妇如何令儿子有今日的成功。
相关阅读：陈锦鸿17岁儿子六呎高！罕露面晒「演奏级」琴技 患自闭获栽培变才子
陈锦鸿自小丧父唯有看书学做爸爸
在节目中分享，自己是一个很有准备的人，由于自小丧父，他在生活中难以参考如何做爸爸教育儿子，因此他看书学习。他说：「因为我爸爸都早死，我妈妈又唔系好识字，我要点样去做父母呢？应该畀啲咩规矩啲仔女，跟住我就明白到中国人智慧，我屋企有5个兄弟姊妹，但我哋5个都有结婚，肯生小朋友，亦好努力维系婚姻，冇离婚。人生一定有高低，如果永远将自己理想嘅嘢摆第一位，就好难维持个家庭，咁唯有……我就去揾……睇《朱子治家格言》，我阿妈由细都同我讲几句『黎明即起』、『洒扫庭除』……虽然佢唔识字，但当年个个人都识念呢几百字，就融入咗喺基层家庭嘅思想中。」
相关阅读：陈锦鸿公开教自闭子辛酸史好催泪 放弃工作培养成学霸 一细节令网民佩服
陈锦鸿惊觉原来儿子活在自己世界
陈锦鸿当年初为人父虽有做足准备，却意外发现儿子陈驾桦有自闭症，使他大失预算。他表示曾期望做好自己本份，以身作则教育儿子成为一个循规蹈矩的人，他说：「我谂住咁样系有影响，因为喺佢出世之后我就睇《朱子治家格言》，我已经谂晒方法点样去教育佢，点知原来佢唔听人讲嘢，原来佢唔讲我哋啲话，原来佢会作一套语言，佢唔观察你、对你冇兴趣、唔同你沟通，咁就大件事喇！」
相关阅读：陈锦鸿早前消瘦面黄传身体有事 近照曝光终于回春被赞keep得好
儿子患自闭症推倒陈锦鸿规划
陈锦鸿承认儿子患自闭症，完全推倒他对家庭生活的规划，「绝对系，我以前系好认真，好严肃嘅人，我系想每件事都有意义同管理好、编排得好……点知佢原来活在自己世界，咁就大问题喇！」陈锦鸿未因此放弃，仍然用《朱子治家格言》的思想教子，不过就要慢慢教，「佢未必可以吸收得晒，你慢慢嚟佢就会吸收到。所有好嘅嘢，我哋坚持做，慢慢呢个世界就会越来越好。」
