41歲移英女星公開私密片段 窗前除浴巾晒裸體行為異常：學嘢啦！ 曾與丈夫街頭吵大鑊嘆圈中婚姻多悲劇
發佈時間：19:30 2025-07-11 HKT
現年41歲的吳日言（Yan）與圈外老公Barry結婚並育有一女二子，去年舉家移民英國後，不時在社交平台分享當地生活點滴。吳日言與老公由拍拖至今已25年，不過她於今年4月曾公開呻娛樂圈婚姻多數悲劇，但她昨晚突然在社交網公開一段色誘老公的影片，更留言表示「學嘢啦」。
吳日言色誘老公幫忙餵奶
吳日言昨晚在IG分享一段影片，片中的她只圍上浴巾，突然走入只有老公並站在窗前的房間中，拉開浴巾，在窗前向老公晒裸體，其後她轉身便走，其丈夫亦跟隨其後。鏡頭一轉便見到吳日言走入另一個房間，但房間內卻全都是家中小孩，吳日言更向老公擺出自鳴得意的表情，原來他是叫老公幫手餵奶，令老公一臉無耐。吳日言更留言表示：「兩公婆感情如何歷久常新，學嘢啦！」令一眾網民都表示相當搞笑。
吳日言移英生活一波三折
其實吳日言自從移居英國後，經歷了不少波折，日前公開三母子的「病樣」，差不多清空成個藥箱，其後吳日言燒到40℃，血含氧量降到83 ，結果立即睇急症：「驗血再驗血，照肺，心電圖，撩鼻， 醫生話我肺部有感染，但係未知邊一隻菌，需要留院觀察。」其中一張照片見到吳日言吸氧氣，精神略差。
當時她留醫3日終可以出院，她坦言知道NHS床位緊張，希望自己未來30年都不用再享用，留給有需要的人！」昨日吳日言貼一家五口的相片並說：「剛剛大病一場，讓我學懂更加珍惜眼前人。最近睇到娛樂婚姻嘅報道，多數都係悲劇 。朋友早就同我講：『兩公婆去外地生活，拗撬爆燈㗎，因為朝夕相對，你真係會見到對方嘅隱藏功能 。』結果 ……初到埗英國時，我同老公已經喺市中心街頭上鬧大交，兩個人在大街度對峙十幾分鐘。」
吳日言與老公相識至今有不少考驗：
吳日言爆與丈夫狂鬧交
吳日言當時不諱言夫妻鬧交很正常，尤其是生了小朋友之後：「老公大多數都會呻以下幾樣：『生仔之後，你完全變咗人！』、『整日鬧我砌模型、儲波鞋、打波！』、『而家對我冇以前咁溫柔喇！』老婆們都想好似以前咁，想食就食、想買就買，做返當年屋企個小公主。只可惜當年嗰件小背心，我哋都已經着唔返啦！朋友群都進化成自己仔女同學嘅家長。每日掛喺嘴邊嘅係：『快啲食！』、『快啲做！』、『快啲瞓！』我同老公由拍拖到而家已經25年，我同佢嘅相處之道就係……畀佢出去玩！不過……我一定會黑面。最重要係，佢要識得返嚟氹返我。兩個人床頭打交，床尾又生多一件，鬧下鬧下咁就幾十年，祝各位家庭相親相愛。」
