花姐指「攞我最喜愛獎即係冇實力」姜濤與MIRROR曾奪同一獎項言論遭鏡粉狂轟：王菲學友都冇實力？

更新時間：15:27 2025-07-10 HKT
發佈時間：15:27 2025-07-10 HKT

花姐一手捧將男團MIRROR捧紅，一直對12子十分愛錫，但不少鏡粉對於花姐的豪邁言端及處事方式，似乎都有微言。花姐日前以講者身份出席講座，有網民就節錄了其中一段言論，認為她明顯失言，竟然「明踩」MIRROR，不少鏡粉都十分不滿，直言不知花姐「要累MIRROR累到幾時」。

花姐：我最喜愛乜乜即係冇實力

花姐在片段中表示：「我成日都同我啲artist講，你唔好同我講你係偶像派啦，我唔想呀。我甚至同佢講我唔要再攞『我最喜愛乜乜』喇，好戇居，攞我最喜愛乜乜咪即係你冇實力，淨係靠人哋投票囉，我唔想係咁呀大佬！」這名發帖的網民指，「姜濤係非常尊重我最喜愛呢個獎項，唔似得花姐咁，質疑呢個獎項」，引述姜濤曾經表示要努力提升自己，令自己對得住這個獎，進步亦受街客肯定。

鏡粉對花姐言論極不滿

花姐的言論引發網上熱議，有人舉鄭秀文為例，去年她獲得「我最喜愛女歌手獎」，難道她又沒實力？有粉絲留言直指，MIRROR曾多次奪得「我最喜愛組合」，又是否代表沒有實力？有網民直指「我未見過一個經理人係會同啲hatets相同口吻，去踩自己啲Artist係無實力」、「花姐帶頭踩仔喎，呢位經理人真係世一」、「呢個經理人，究竟要傷害自己artist到幾時？」。