花姐指「攞我最喜爱奖即系冇实力」姜涛与MIRROR曾夺同一奖项言论遭镜粉狂轰：王菲学友都冇实力？

更新时间：15:27 2025-07-10 HKT
发布时间：15:27 2025-07-10 HKT

花姐一手捧将男团MIRROR捧红，一直对12子十分爱锡，但不少镜粉对于花姐的豪迈言端及处事方式，似乎都有微言。花姐日前以讲者身份出席讲座，有网民就节录了其中一段言论，认为她明显失言，竟然「明踩」MIRROR，不少镜粉都十分不满，直言不知花姐「要累MIRROR累到几时」。

花姐：我最喜爱乜乜即系冇实力

花姐在片段中表示：「我成日都同我啲artist讲，你唔好同我讲你系偶像派啦，我唔想呀。我甚至同佢讲我唔要再攞『我最喜爱乜乜』喇，好戆居，攞我最喜爱乜乜咪即系你冇实力，净系靠人哋投票啰，我唔想系咁呀大佬！」这名发帖的网民指，「姜涛系非常尊重我最喜爱呢个奖项，唔似得花姐咁，质疑呢个奖项」，引述姜涛曾经表示要努力提升自己，令自己对得住这个奖，进步亦受街客肯定。

镜粉对花姐言论极不满

花姐的言论引发网上热议，有人举郑秀文为例，去年她获得「我最喜爱女歌手奖」，难道她又没实力？有粉丝留言直指，MIRROR曾多次夺得「我最喜爱组合」，又是否代表没有实力？有网民直指「我未见过一个经理人系会同啲hatets相同口吻，去踩自己啲Artist系无实力」、「花姐带头踩仔㖞，呢位经理人真系世一」、「呢个经理人，究竟要伤害自己artist到几时？」。