YouTuber「解密工作室」探員X停更半年傳患癌離世 版主深夜發文親解失蹤之謎

更新時間:02:11 2025-07-05 HKT
發佈時間:02:11 2025-07-05 HKT

曾在2021年度YouTube香港十大熱門創作者,排在第二名的「解密工作室」,由探員X(化名)一人經營的頻道,片尾會有英國短毛貓小白客串,訂閱者多達55.4萬。有網民發現探員X的頻道已有半年沒有更新,上一條影片已是2024年12月16日上載的「【奇案調查】重度精神病患者,被警察冤枉,坐43年冤獄,真兇竟是執法人員」,引起不少網民關心探員X的近況。

探員X頻道加上「黃標」

探員X的頻道有指並非賺取廣告收入的內容農場,影片內容涉及謀殺、兇案等,被YouTube加上「黃標」(不適合多數廣告客戶)。網民對探員X解構宋情並不是舊瓶新酒,會加入不為人不知的細節,因此獲不少網民追捧。早於一個月前,已有網民在YouTube問:「好久没有更新啦」、「X探員失蹤咗?」、「唔做?搵到工做?」

昨日(4日)在threads再有網民出帖文問道:「驚覺探員X已經半年無出片!係咪d片太敏感得罪咗人,好鍾意睇,唔好有事啊」。有網民之後留言:「唔係度啦」、「有人說已經離世了」,引起不少人關注詢問消息的準確性。之後再在網民轉發8日前的內容:「真事,我們默默祝福他在另一個世界吧」,另有網民表示:「我有朋友識佢真人,話佢年頭生癌,咩癌就唔清楚」。

探員X深夜出Po報平安

探員X曾於11個月前出PO,解釋自己消息兩個月的原因,當時因為要忙於為書展籌備新書做準備:「消失咗兩個月,同大家講聲唔好意思,呢兩個月就係籌備新書《恐怖情人》,我今年將會係書展首次同大家親身見面,分享新書內容及成為探員X之路。」及至今日(5日)凌晨,探員X終於在社交平台Threads報平安,他發文表示:「Hey guys! LONG TIME NO SEE❤️ 出trip去咗星加坡,瞓醒之後就收到好多人關心! 一齊安好!無病無痛!生活得好好!只係有點忙! 點解呢半年冇出片,一來呢段時間真係好忙嘅,唔想為出片而出片,二來係做咗呢個Channel幾年,由奇案到不完美受害人,再到自白聊天室,一直都想繼續有突破!嚟緊相信會有新創作!劇?電影?紀錄片?」帖文發布後一小時已勁吸逾500個讚好,不少網民都表示「冇事就好啦」,期望探員X出新片。

探員X愛聽《恐怖熱線》

探員X曾接受傳媒訪問,表示自從細愛聽《恐怖熱線》,雖然心驚膽跳,悶在被窩中冒汗,但習慣一直維持好幾年。探員X提到自己不愛上課,卻視奇案書為閱讀啟蒙,《危險人物》更已睇過無數遍。因為鍾意聽電台節目,曾憧憬長大後做電台節目主持。

探員X原從事活動策劃

探員X原從事活動策劃,以及搞小生意,卻因疫情賦閒在家,由初期打算分享鬼古、都市傳說,變成挖掘奇案,或因與生活距離較近,讓觀眾容易設身處地投入內容中。探員X對不少香港YouTuber同樣有做分析奇案,但多以訪談為主,形式自由卻沒有精密的故事鋪排。探員X就仿傚解構日本奇案「老高與小茉」,以及外國奇案的「X調查」,用上抽絲剝繭、層層遞進的解密方式講故事。