前TVB星二代自認敗家仔貼錢打工：深入民心 曾收藏一打座駕 獲Do姐「救」一命？
發佈時間：11:00 2025-07-03 HKT
粵劇名伶阮兆輝及尹飛燕的45歲兒子阮德鏘早年讀TVB訓練班加入電視界，曾參演的劇集包括《烈火雄心II》、《戀愛自由式》及《大唐雙龍傳》等，主要演閒角。近年阮德鏘成為「家庭主夫」照顧子女，間中才接拍影視作品。近日阮德鏘接受鄧英敏YouTube節目《老友鬼鬼傾吓偈》訪問，直認是敗家仔，更分享「豪使」行為。
阮德鏘「窮都要玩車」
阮德鏘生於粵劇世家，曾自爆生活富足。阮德鏘向鄧英敏分享高峰時期有最少12部私家車：「而家冇，以前有段時間有。好老實，小朋友嗰陣啱啱出社會其實買唔起新車，但好鍾意買啲二手車返嚟搵人去改，少少咁改又唔會使你好多錢，識啲車房朋友又有得平啲。」更指曾「窮都要玩車」，他說：「係四個月牌費都買，即係呢四個月只玩呢架，之後擺低玩第二架。」不過後來都覺得很浪費，就改掉「玩車」習慣，不過現時仍有四部私家車。
相關閱讀：圈中敗家仔始祖暴脹獲指導操Fit 女人緣旺要保精力？ 譚詠麟教一動作：對各樣運動都好
阮德鏘自爆「敗家」行為？
阮德鏘為拍劇學電單車
阮德鏘指現時除了擁有四部私家車，另外也有兩部電單車，他指當初是為了爭取更多拍劇機會才學電單車，而同期跟他一起學電單車的還有Do姐鄭裕玲及馬德鍾。他說：「Do姐都學過電單車，佢仲救咗我一命添！因為我考試當日Do姐就學車，但佢當日就有啲跣手跌咗架車，咁大家都好驚就望Do姐，但當時其實我隻腳已經幾乎掂地，因為斜路打8字唔畀掂地，啱啱失平衡之際，哇，Do姐跌車喎，拎返隻腳上嚟先，所以過咗關。」
相關閱讀：前TVB星二代考的士牌轉行？家底猛料曾擁十部車 近年做家庭主夫慘被嘲「撈唔掂」
鄧兆尊被爸爸新馬師曾要度做一世敗家仔？
阮德鏘做「敗家仔」貼錢打工
阮德鏘分享貼錢打工往事，早年在香港電台工作，曾自掏腰包買黑膠唱片，在內地北方城市買到一批價值幾萬元的粵曲唱片回港播放。此外，阮德鏘亦花錢買靚茶葉、美酒、雪茄等，他笑說：「我呢個敗家仔深入民心。」阮德鏘表示當初迷上雪茄全因杜琪峰，他分享有次在圈中聚會上遇到古天樂與杜琪峰，古天樂更大方分享兩箱美酒。阮德鏘指當晚自己喝得醉醺醺，更主動跟杜琪峰聊起雪茄，「我走埋去杜sir度，『喂，你就係杜琪峰吓嘛，聽講你支雪茄好勁㗎喎』，食完嗰枝雪茄我就暈咗。」阮德鏘指現時仍有抽雪茄的習慣，最愛配搭威士忌享受一番。
相關閱讀：阮兆輝兒子阮德鏘做「家庭主夫」湊女 被嘲撈唔掂曾感氣憤：實在有點難接受
