前港姐爆女星厚面皮搲客買名牌：你核唔核突呀 出活動曾被倒紅酒 男士拒賠好委屈
發佈時間：21:00 2025-06-29 HKT
44歲袁彌明於2005年參加香港小姐五強止步，曾加入TVB做主持，後來轉型從商。袁彌明已退出娛樂圈多年，近年旅居不同地方，近日她身處日本，與老公林雨陽在車上拍片，期間她大爆行內的秘聞！
袁彌明爆女星搲客買名牌
袁彌明自認奀星，以前工作要借衣服並不容易，她舉例如果要拍節目，通常電視台會為藝人借衣服。而她做藝人時，也有一兩個品牌長期贊助她。袁彌明大爆早前一位女明星，獲品牌邀出席活動，她卻不屑對方的厚面皮行為，她說：「最近聽咗單搞笑嘢，有條女……唔開得名，就去一個event，就同個客講想着件Chanel，你買畀我啦……即係幫佢畀埋筆錢。」袁彌明聽聞都覺得驚訝：「畀咗錢你做呢個event，你自己用嗰筆錢（酬勞）嚟買也好，你自己唔好買Chanel也好啦，你自己諗啦，咁都有嘅，你核唔核突呀！」
相關閱讀：一線女星傳為已婚男星海外秘產私生子 線索引網民猜謎 逾10位紅星被點名張曼玉宣萱都有份？
袁彌明爆女星cheap爆行為？
女星酬勞僅夠買一件Chanel
袁彌明爆該名女星出一次活動的酬勞，剛好夠買一件Chanel，她說：「即係你就係值咁多囉！如果你係值咁多，你就唔使着件Chanel去活動，即係你唔值囉！你收10萬你就可以買件5萬Chanel，你收得5萬就唔可以買件5萬Chanel囉，咁你自己嘅身份，同埋佢嘅歲數，佢根本唔需要着呢件Chanel。你鍾意咪自己買囉！」袁彌明以品牌老闆的角度分析，如果為藝人置裝並非不可，但出完活動她會收回衣服。袁彌明直言名牌普遍都不會借衣服給普通級數的藝人，「Chanel sponsor咩人呀！Jennie呀！你係邊個呀，冇人可以攞到Chanel sponsor，除咗佢哋代言人。」袁彌明建議如果想穿名牌出活動，可以買二手衣服，甚至請有很多名牌收藏的造型師幫忙。
相關閱讀：MC張天賦豪賭濕濕碎？男星爆巨星登台一晚輸千萬：免費唱一年先夠還 女星花百萬打衛星電話給男友
袁彌明分享借衣服經歷
而有次借衣服出活動的經歷，則令袁彌明非常難忘。她分享：「有次我去啲酒類品牌開幕活動，我借衫，可以喺場內飲吓嘢，有條友倒咗啲酒喺我條裙度，仔嚟嘅！個個都飲咗少少，見到都『哇』。死啦，條裙係我嘅都冇所謂，我話係sponsor嘅。唔係白色，不過都死……紅酒好難洗。」結果該男士當着眾人向袁彌明承諾會賠錢，袁彌明留了男方電話號碼，將那條裙子帶回店舖歸還，由於已經弄髒，她必須用約千元港幣買下來，但當她將價錢通知涉事男子時，對方竟回：「我唔會為你條新裙畀錢。」
相關閱讀：鄧兆尊回應明星足球隊北上「包養」傳聞 認想揪出內鬼 爆譚詠麟陳百祥「古惑偷走」
張慧儀被指與同時搭上6位富豪意外懷孕轟「勿造謠」？
袁彌明嬲到爆粗
袁彌明憶述事件時忍不住爆粗：「我X你老X，我直情係……乜X嘢呀呢條友……佢又當眾話佢要賠，而家都唔使原價，七折添咋！我心諗如果唔係你條友，我根本唔使買呢條裙。」袁彌明指雖然記得對方是誰，但無意再追究，「我覺得真係好鬼Cheap囉！」
