蔡瀾離世｜曾任職大機構帶女星赴日整容 全包任整當投資 拒免費整下巴：要嚟做咩？
發佈時間：17:30 2025-06-28 HKT
蔡瀾離世享年83歲。被譽為「香港四大才子」之一的蔡瀾於2025年6月25日（六月初一）在親友陪同下，於香港養和醫院安詳離世。蔡瀾一生在演藝圈貢獻良多，曾任電影製片人、作家，其後進軍飲食業並主持多個飲食節目，是香港數一數二的美食評論家，交遊甚廣。
蔡瀾捧紅過不少女藝人
蔡瀾曾在日本大學藝術學部電影科編導系，同時獲邵逸夫起用，以半工讀形式出任邵氏駐日本經理及翻譯，開始其電影生涯。蔡瀾在1963年加入邵氏任製作經理，1982年離開邵氏後，轉到嘉禾電影擔任製作部副總裁，除了開創「成龍電影盛世」外， 曾在8、90年代監製及策劃數十部電影，而且還是三級片的始祖，捧紅過不少女藝人。
相關閱讀：蔡瀾離世丨蔡瀾臨終細節曝光 儀式辦完才允公開 最後時光沒半點痛苦：睡夢中安詳地離去
蔡瀾挑選女演員是必須要做的事
曾擔任電影監製的蔡瀾，挑選女演員是日常工作必須要做的事，蔡瀾曾表示對「美女」有自己的一套標準。蔡瀾在1988年主持《蔡瀾遨遊三藩市》，在節目上與鍾麗緹、李綺虹、梁漢文、林保怡、楊婉儀及鄭裕玲遊走三藩市，邊歎美酒佳餚，邊談人生價值觀及分享人生經驗，在第二集上，與鄭裕玲談到女星整容一事，令人留有印象深刻。蔡瀾先問鄭裕玲的另一半是否與理想相差很遠？鄭裕玲說：「我覺得唔可以要古求我歡喜嗰人，又或者我嘅朋友不斷要求佢要點樣，要求人哋點樣關心我，點樣替我諗，但係自己做唔做得到先？可能喺人哋嘅眼中，我都只係做咗30%，變咗我唔想自大，所以我都希望係對好。」
蔡瀾曾帶很多女電影明星去整容
蔡瀾笑問：「妳哋可以改造下呢度、嗰度，呢鋪嘢係咪有癮嘅呢？」鄭裕玲說：「嗱，我有啲朋友真係有癮。即係改完咗之後，又執吓呢樣執吓個樣。我諗可能係，可能一嚟係冇信心，二嚟好似你咁講，真係有鋪癮。我又唔反對整容，我又唔係好反對，整咗出嚟加強自己信心，周圍見到你又覺得你靚咗，但係呢個就係品味問題，點樣先至係夠呢？去到邊度stop呢？」接着鄭裕玲又反問蔡瀾：「聽講你以前帶團去整容喎。」蔡瀾說：「唔係唔係，我帶好多電影明星去整容。（公司規定要去整？）嗰時有個大機構：『呢度有個新人，佢呢度唔好喎，你同佢整吓呢度啦。嗰度唔好又整吓嗰度』，或者有啲人年紀大咗啲，拉吓皮，就咁囉。」
相關閱讀：蔡瀾離世｜4月底傳身體出事上月初入院被誤傳死訊 曾留18字談現況 助手曾出po怒斥：謠言！
蔡瀾謂心理整容好過真正整容
鄭裕玲再問：「咁佢哋自唔自願㗎？咁嗰啲整容費係公數？」蔡瀾回答：「有啲自願，有啲仲好歡喜添，有啲年輕嘅就唔知道，公司話乜就乜囉。全部公數㗎，以前明星一簽就簽8年。咁呢8年你要培養佢，係一個投資。飛機飛到日本，住呀、食嘢呀，整咗出嚟⋯⋯有一個整錯咗咁樣瞓，瞓醒歪咗。（又要再整過？）係要，但係整好咗又歪過。」鄭裕玲又問：「有10個女明星，有幾多個係去整？蔡瀾直言有很多：「所以我話呢啲嘢喺嗰陣已經好先進，覺得冇乜嘢，人嘅面孔係會變，有好多未成熟嘅時候好難睇，慢慢喺香港所謂淫浸，有生活經驗，識得着衫，成個人都好睇咗，又唔一定要去整，嗰啲心理整容好過真正整容。」鄭裕玲笑言：「去得咁密有冇話畀個折扣？」蔡瀾：「佢話送一個下巴畀我。」鄭裕玲：「你唔愛呀？」蔡瀾淡然說：「我唔愛，愛嚟做咩？」
