林海峰順應民意開腔談盧覓雪 借「閑」字語帶雙關緩和氣氛：逢星期五都會換主持
發佈時間：18:00 2025-06-27 HKT
MIRROR成員姜濤大前日（24日）下午在西區副食品市場對開墮海，姜濤被救起後隨即送院救治。翌日姜濤如期出席活動，晚上飛往巴黎出席時裝周，出發前在機場接受傳媒訪問，表示自己因跨過欄桿看日落後，暈倒不慎墮海。昨日（26日）盧覓雪（Michelle）在商台節目《在晴朗的一天出發》上，開首便發言評論姜濤墮海事件並說「智商有問題」，有不少網民都表示盧覓雪言論「搶口」，揚言要向通訊事務管理局集體投訴，要求徹換主持人，其後網上重溫版本並沒有這句話。
林海峰在節目開首便談及事件
今早林海峰在節目開首便談及事件，他說：「換主持都唔係辦法，索性調走佢，星期一至星期五晚上7點，叫佢自己一人做《在黃昏的一天出發》。」不過盧覓雪未有「出聲」，改為由蘭茜擔任主持。林海峰還說：「嬉笑今朝仲有啲啲，但係怒罵就冇乜，留言嗰度都冇，正所謂今朝早都換咗主持，換咗蘭茜，我哋逢星期五都會換主持。」事件在網上再有討論聲音，有網民說：「商台cut咗嗰段表示佢哋都覺得有問題，所以冇嘢再繼續討論，close file.」、「今日成個節目都高質。」
相關閱讀：盧覓雪開咪談姜濤墮海事件言論被指「好搶口」 質疑事發時間點：暈都未睇到
林海峰語帶相關希望事件告一段落
盧覓雪當日在節目開首發言評論姜濤墮海事件，在網上掀起不少熱話，林海峰節目完結前再度討論，連監製張部長（張志文）都加入，他們一人一句語帶相關希望事件告一段落，林海峰先問張部長：「今日之外，我哋下個禮拜會唔會換主持？」張部長說：「我哋個個禮拜五都會換主持喇。」阮子健和蘭茜笑稱：「一個問得好，一個耍得好，大家都好巧妙，盡兜喇。」蘭茜準備了一個字送給大家，林海峰笑說：「今日星期五，呢個『門』字可大可小。」
蘭茜寫了個「閑」若有所指
最後蘭茜寫了個「閑」說：「苦中一點甜，生活一點閑。」林海峰笑說：「呢個字喺生活上常用係好，如果萬一有衝突，單一個飛出去，『閑』你係咪好好？兩個人閑來閑去係咪好好？仲要放輕，唔好大力。」蘭茜續說：「或者調返轉，啲老人家成日都話『好閑啫，唔使咁上心』。其實好多嘢都好閑啫，唔使咁上心。」有不少網民留言：「大家可否靜啲，唔好再提，我想姜都想件事close file。」
相關閱讀：姜濤墮海｜姜濤還原墮海經過認曾服藥飲酒 否認借酒消愁唔敢再跨欄：跌落水先知出事
