女神配對計劃丨曾展望海選片曝光關係飆升 葉蒨文冧爆鬧劇組放入深情的人：我會好危險
發佈時間：18:00 2025-06-26 HKT
女神配對計劃丨TVB戀愛綜藝真人騷《女神配對計劃》播出後惹來不少迴響，新一代「愛回家CP」曾展望（GM）公開向女神葉蒨文（Sophie）示愛，強調並非順應民意才參加節目：「我唔想做嘅嘢冇人逼到我，其實我好少咁主動，因為我怕瘀，不過我更加唔想你畀人追咗，所以我過嚟追你，畀個機會我哋試吓。」
曾展望海選短片曝光甜蜜度飆升
雖然曾展望曾因「太過進取」而令葉蒨文卻步，在首輪約會上落敗，不過失望過後，曾展望又再重新出發，再度公開表示：「我絕對唔會放過任何一個機會去捉住佢。」在第三集更大派彩蛋，葉蒨文的保護名單原來是曾展望，監製更在IG貼上曾展望海選的短片，結果令二人的甜蜜度進一步飆升。
相關閱讀：女神配對計劃丨葉蒨文咬唇情挑曾展望：你想食我口水尾？ GM因一杯咖啡驚變「呷醋撒嬌王」
曾展望《女神》海選片段被公開：
曾展望一臉靦腆深情演出
《女神》監製莫文浩昨日在IG貼上曾展望當日海選的片段，tag了葉蒨文並說：「另一個不知道的事！」原來莫文浩順從民意在社交平台公開了曾展望絕密面試片段！片中所見，起初有工作人問葉蒨文知不知他來參加節目，曾展望一臉靦腆地說：「我諗佢應該唔知，因為我見佢哋有send啲broadcast message，佢都冇send畀我，我仲叫人send畀我copy返，問佢仲乜唔send畀我。」接着再有人問有否準備30秒的魅力展示，結果曾展望清唱庾澄慶的《情非得已》，林盛斌拍一拍鏡頭叫並叫曾展望唱給葉蒨文聽。
葉蒨文讚曾展望深情：知唔知我會好危險
片段曝光後，葉蒨文火速留言：「點解面試咁短㗎？！ 你哋團隊搞咩㗎？！你哋究竟有冇好好把關㗎！ 好過分！ 將啲咁深情嘅人放入嚟！ 知唔知我會好危險㗎？？！」有人留言問葉蒨文：「感唔感動？睇到我哋都有啲眼濕濕，所以點解無send畀佢。」、「最危險嘅先最安全！」、「首歌完全反映晒佢心情同對你既深情！」後來曾展望亦有留言：「哇！大哥咁爆咩，我好怕羞喎呢單嘢。」有網民留言支持曾展望：「好希望葉蒨文諗清楚會揀GM，因為你會實幸福。」、「一個表面經常嘻嘻哈哈嘅人，其實內心好深情，就是怕受傷害才用嘻皮笑臉來掩飾， GM 真的很優秀，加油。」
葉蒨文公審監製：成日整到我喊
葉蒨文昨日在IG貼上監製的黑圖公審對方：「好討厭呀！呢個監製成日剪啲彩蛋同啲片出嚟嚇我，拍你呢個節目已經成日整到我喊，勁Emo~~放假都蝦我。今日都要剪段片出嚟搞到我喊，我決定公審你！未見過啲咁衰嘅監製，做嘢又落力又有心，搞到成日攰到周圍瞓，份人又易相處、又有幽默感，仲要你團隊入邊個個都咁好人，個個都咁得人鍾意，搞到我學識咩叫團隊精神同埋領導才能！你有冇問過我想唔想學呢啲嘢？？仲有！你知唔知你咁樣會搞到人哋覺得你好有人情味，覺得你同其他監製唔同，跟住好想同你瘋狂合作㗎！你知錯未？！仲敢唔敢剪啲片出嚟嚇我！衰人！！！！！你出街瞓！」
相關閱讀：女神配對計劃丨《愛回家》CP葉蒨文曾展望驚爆早已同居：唔好咁苛刻 GM八字回應真實關係
曾展望勇於行出第一步隨時戲假情真：
葉蒨文曾展望有「生理性喜歡」
其實葉蒨文曾在直播上，曾網民問她與曾展望有深厚，但她說：「其實我同曾展望有一段時間冇見，佢都冇再拍《愛回家》，佢之前喺公司成日都嘻嘻哈哈，但係喺第一集開簾嗰一刻成個唔同晒，變咗我要啲時間消化吓，成件事對我衝擊都好大。」葉蒨文又解釋與李芷晴周嘉全最大分別：「佢哋一直keep住有聯絡，friend zone咗，但係我同曾展望有『生理性喜歡』，其實4年前喺節目見佢，已經覺得呢個人幾吸引，但係嗰陣我係有男朋友，所以冇再傾偈，之後合作《愛回家》都未有feel，係直到合作完一班大約出嚟玩，開始有啲通電，跟住佢冇拍《愛回家》，我哋又冇見一排，所以有一種好新鮮嘅感覺。」
曾展望為葉蒨文加入《奇情谷》
在昨晚（25日）播出的《奇情谷》出現一位特別谷友令曾展望喜出望外，直播時他甜笑表示︰「啱啱係 chatroom 有谷友話我知，有個粉絲喺屋企睇緊我哋，多謝你……」火火俏皮地問︰「嗰個係邊個呀？」曾展望略帶尷尬 說︰「嗰個係公司同事……」此時賴慰玲加入戰團，笑稱︰「咩呀，Sophie吖嘛，佢係我學生，佢係睇我唔係睇你，係咪想多咗呀。」雖然如此曾展望依然露出甜笑。昨晚Sophie在IG限時動態分享收看《奇情谷》的短片，令花生指數一直高企。葉蒨文跟曾展望備受關注始於戀愛綜藝節目《女神配對計 劃》，曾展望直言因為 葉蒨文緣故才自薦加入節目，真情直白令觀眾動容。
