《中年好聲音2》選手突滿手血傷口流血不止觸目驚心緊急入院 生日正日母親自殺身世悲慘
發佈時間：12:01 2025-06-26 HKT
現年41歲的黃劍文，於2023年參加TVB歌唱真人騷節目《中年好聲音2》奪得第四名，其後簽約TVB Music Group成為歌手。黃劍文自參賽後一直人氣高企，不時參與TVB大騷演出及節目拍攝，同時亦有登台表演。今日（26日）早上黃劍文突然在社交平台分享多張手部特寫照片，即時嚇親粉絲。
黃劍文洗玻璃兜割傷手
黃劍文今早在社交平台分享多張手部佈滿血的照片，並留言寫道：「意外就係咁樣發生，今朝早洗完個玻璃兜唔小心打爛咗割傷手指，洗傷口嘅時候，見到傷口都幾深，塊皮都甩，狂流血，用紙巾包住隻手，即刻搵最近嘅醫院睇急症，諗住洗傷口，包紮完就走得，點不知醫生要我留院，要睇骨科，冇諗過要入醫院，我話唔想入院，醫生話唔得喎，要等骨科醫生睇，希望快啲出院護士話有冇緊急聯絡人？原來我緊急聯絡人係JOJO。」
相關閱讀：中年好聲音2決賽丨黃劍文一原因曾被網民批反骨 媽媽輕生大受打擊欲尋死
從照片可以見到，黃劍文手指上的傷口頗深，而且流血不止，非常嚇人。另外他亦分享一張穿著病人服的照片，見到他雖然手部受傷，但精神依然不錯。
黃劍文在參加《中年好聲音2》時曾分享自己的悲慘身世，當時他說：「喺幾歲時阿媽再嫁，但後父唔想我嗌阿媽做阿媽，要嗌阿媽做阿姨，曾經因為嗌阿媽做阿媽，咁就做錯咗，從此我冇再喺呢個家庭出現，冇得再一齊去旅行。」而當時年幼的黃劍文為了可跟媽媽更親近，曾試過淋雨令自己生病，「因為病嘅時候就可以見到佢，有一段時間成日好想自己病。」而黃劍文長大後與媽媽感情變好，他笑言：「放工之後會陪佢飲酒，嗰時係好Enjoy。」
相關閱讀：中年好聲音2丨黃劍文自揭悲慘身世！生日卻遇媽媽自殺身亡：後父唔想我嗌阿媽做阿媽
黃劍文於媽媽臨終說「我愛你」
可惜好景不常，黃劍文26歲生日時媽媽卻自殺身亡，黃劍文說：「26歲生日時，生日前一日打電話同佢講，話多謝你咁多年照顧，同埋講我愛你，我就逼佢同我講番我愛你，當時佢都話我都愛你，但我好感恩有個咁嘅機會，之後喺我生日過咗第五日，佢就離開咗，我覺得我做咗，所以冇咗個遺憾，起碼同媽媽講咗一次我愛你。」黃劍文媽媽離開之後，黃劍文曾有一段時間好失落，之後決定離開香港流浪4年，黃劍文說：「好感謝有音樂去醫治到我嘅難過。」黃劍文曾受訪指不幸經歷了母親自殺的沉重打擊，令他更懂珍惜，更曾出歌希望憑歌《人間飄浮》傳揚「珍惜」訊息。
