黃澤鋒58歲老婆狀態驚人 懷孕7個月面色紅潤長胎唔長肉 小黃妃一舉動成網民焦點
發佈時間：18:00 2025-06-25 HKT
58歲黃澤鋒的太太陳麗麗（Lilian）在2019年以52歲「超高齡產婦」誕下愛女黃熙恩（小黃妃），當時引起網民關注。黃澤鋒上月再於Facebook宣佈，已經58歲的陳麗麗再度高齡懷孕，即將組成四口之家並指：「妃妃終於夢想成真做家姐啦！」
陀B 7月的陳麗麗挺着巨肚狀態不俗
陳麗麗的預產期是今年9月，因她已經58歲，所以公布懷孕消息後掀起網民熱議，黃澤鋒曾表示透露今次再度懷孕是計劃之中的事，在醫生建議下做人工受孕，最終成功。日前黃澤鋒與太太陳麗麗及女兒小黃妃現身TVB節目《流行都市》訪問，挺着巨肚的陳麗麗狀態不俗，小黃妃的舉動反而成為焦點。
相關閱讀：黃澤鋒58歲老婆陳麗麗懷胎6個月驚傳父親去世：再同你哋團聚 高齡懷孕曾被批極高風險網民憂心出事
黃澤鋒老婆陳麗麗談人工受孕細節？
黃妃不時拖實媽咪陳麗麗的手
在節目上，小黃妃不時拖實媽咪陳麗麗的手，談到現時陀B情況，她說：「而家7個月，9月初就會面世，我哋都係決定開刀，因為上一胎係開刀，所以今胎都係開刀，安全啲。」陳麗麗稱今次是醫生建議下進行人工受孕，但過程一點都不容易：「因為我身體狀況有少少問題，本身個肝有事，而且血壓嘅問題，對身體調節係有啲影響，喺人工受孕嘅過程入邊，佢都畀咗好多醫學上嘅意見。」主持安德尊問：「點解咁高風險仲要去懷孕？」陳麗麗說：「所以咪搵醫生團隊去傾，傾到真係了解咗係可以成事，我哋先去決定做唔做。」黃澤鋒稱當時開了一個家庭會議：「我哋開會決定究竟行唔行呢一步，之前我太太有自然懷孕不過小產咗，佢（小黃妃）知道又唔係幾開心，所以咪拎出嚟大家一齊傾。」
黃澤鋒以「天下無雙」形容太太再次懷孕
黃澤鋒稱太太當然好想，但係成件事係有一定嘅風險：「最後傾咗大家都係好想，呢個年紀不如做一次睇吓得唔得，做唔到就算。」陳麗麗說：「醫生都有話過人工唔一定係得，有啲個案同我哋唔多年紀，都可以試幾次先得，要承受到呢個失敗同挫折，所以心理調節係好緊要。」黃澤鋒笑稱自己最大壓力是搵錢，其他事未有覺太大壓力：「女人懷孕我係冇嘢可以做到，唯一係將家庭調節好啲，有乜事由我去承擔。」他更以「天下無雙」來形容太太第二次懷孕：「一個女人去到咁嘅年紀，佢都肯同你生，52歲肯生，去到58歲都仍然肯生，所以要對佢好，唔可以令佢唔安心。」
相關閱讀：黃澤鋒58歲老婆陳麗麗人工受孕再度懷孕 去年經歷流產 6年前收經階段陀女險中風要入ICU
黃澤鋒老婆陳麗麗談人工受孕細節？
相關閱讀：黃澤鋒58歲老婆陳麗麗懷孕丨兩年前被批懷孕時機：呢兩年最大機會 TVB男星妻有望45歲懷孖胎
黃澤鋒老婆陳麗麗52歲懷第一胎險中風？
陳麗麗已為二個女兒進行協調工作
面對四方八面突然其來的意見，黃澤鋒說：「香港人開心啲喇，我成日覺得好又過一日，唔好又過一日，我哋做任何嘢都有好多唔同嘅人畀意見，如果佢鬧完我開心嘅，咪由佢囉，我哋做藝人出身，最緊要帶畀人哋歡樂，正面嘅訊息，無論任何情況，講乜對我嚟講，去到呢個年紀都百毒不侵，咪一笑置之。喺我立場最緊要係太太同個女。」陳麗麗說：「人哋講完我咪當參考或者提點，我咪做好啲，講完佢宣洩就算，我唔會㗳咀，我做到自己嘅嘢就得。」至於BB出世後，二個女兒的協調工作，陳麗麗說：「其實而家已經開始準備，有啲乜嘢都講定，如果妹妹喺度佢會點樣分享同對待，不過佢都好照顧妹妹，話會幫手餵奶同換尿片。」小黃妃不時拖着媽咪的手，不少網民說：「小黃妃訪問過程睇到佢一路有關心媽咪好好好乖女好開心。」、「她一定會係個好姊姊！」、「小黃妃好得意！最緊要好好教導啫。」
