金牌綠葉張國強認離巢TVB 強調並非不歡而散只求發展空間 曾自認失敗就不及同期任達華
發佈時間：20:20 2025-06-24 HKT
現年68歲、曾經擔任第一代兒童節目《430太空梭》主持的張國強，近年主力北上發展，除了拍戲及商演外，還有做直播帶貨，工作接個不停，抖音的張國強其後亦進駐小紅書，希望令更多人看到他不同一面。
但原來張國強已於去年低調約滿TVB，回復自由身後轉換另一形式與TVB合作，他表示今次與TVB並非不歡而散，只要公司有需要，他隨時回來：「我唔係要讚佢，不過公司係非常之好嘅，我亦唔需要講太多，佢好公正嘅，佢話畀你聽做到就做到，做唔到咪唔做到，佢亦都無話要強逼所有人。」
相關閱讀：68歲前《430穿梭機》主持公園跳廣場舞被全程拍下 打側手翻炫舞技摔倒癱坐地上表情痛苦
張國強低調約滿TVB：
張國強有機會想去荷里活嘗試
張國強表示比過往自由度更大，發展空間相對地大了不少：「我覺得演員唔係話一定要喺邊度拍嘅，全世界都可以去演出，有機會去荷里活我都會嘗試。畢竟喺TVB都10幾年，好多話經常見我演奸角或某一類角色，其實我都想演一啲低下層嘅角色，如果有唔同嘅空間畀我去發揮，我覺得呢個時候係可以出去囉。」甲組球員出身的張國強，佢當年與隊員一齊去應徵TVB電視劇《無花果》角色而入行，曾拍電影、劇集及擔任兒童節目主持，在1984年曾以兒歌《黑色機器人》獲提名《第七屆十大中文金曲頒獎音樂會》「最有前途新人獎」候選八強，最後不敵陳慧嫻。
張國強多年來參演過無數劇集
後來張國強要求調離兒童節目組，因遲遲未能戲劇組而一度陷入僵局，最後約滿並轉往電影界發展，1997年移民加拿大，至2004年決定舉家回流返港，2008年獲監製關永忠邀請重返無綫電視，多年來參演過無數劇集，角色性格背景多變，無論係忠角或奸角都能將角色拿捏得入木三分。張國強曾表示自己雖事業心重但並不成功，遠不及同期藝人如劉德華、梁朝偉優秀：「但我會繼續努力，做我喜歡的工作多開心！加油！加油！」
相關閱讀：68歲TVB綠葉王張國強 進軍小紅書創近2萬讚 眼窩凹陷撞臉一巨星掀集體回憶
李國麟與張國強久違同框小學雞式互窒：
