雪妮老公唐佳離世｜電視圈藝人哀別好前輩唐佳 陳敏之、陳山聰惦記每句問候 樂易玲：難過悲泣
發佈時間：14:30 2025-06-24 HKT
現年79歲的前TVB綠葉雪妮，其丈夫、著名武術指導唐佳昨日（23日）下午被發現在佐敦墮樓身亡，終年88歲。唐佳生前為演藝圈貢獻良多，曾參與不少電影及電視劇拍攝，不時提拔及照顧後輩。唐佳昨日不幸離世震驚娛樂圈，不少藝人都發文悼念這位受人敬重的前輩。
雪妮老公唐佳離世｜陳山聰：永記你對後輩的關心
視后林夏薇發文表示：「非常...非常難..願安息，願您所願...一切安好。」而視帝陳山聰亦發文哀悼：「南無阿彌陀佛，永遠記得你對我們後輩的關心，每一個問候。」
前TVB小花李綺雯昨晚留言說：「頭先我哋健身房望出去，就一路睇住差佬清理現場，點估到係佢，好難相信，明明仲好記得以前見佢哋一齊返工，同佢哋一齊化妝間傾偈，好恩愛。」
相關閱讀：雪妮老公唐佳離世｜傳雪妮患胰臟癌長居醫院治療 唐佳透露不開心 原今日立遺囑
雪妮老公唐佳離世｜黃建東：絕世好丈夫
而黃建東昨晚亦留言說：「好震驚的消息，好痛心，好難過，想起好多個夜晚的畫面，細心陪太太返工，然後坐在化妝間看電視靜心，等候太太收工，再細心接太太回家，絕世好丈夫，絕世好男人，永遠懷念你溫暖的笑容和問候。」而已經淡出幕前的張致恆亦有發文悼念唐佳，他說：「聽到呢個消息我真係好心痛，佳哥，多謝你同雪妮姐曾經喺片場照顧我，安息希望你。」
相關閱讀：雪妮老公唐佳佐敦墮樓亡 終年88歲 張徹楚原愛將曾加入TVB當武術指導
雪妮老公唐佳離世｜陳敏之：人生太多痛苦要面對
另外陳敏之亦於昨晚在Threads發長文，她說：「啱啱祈咗一個好長嘅禱告，希望佳哥安息，記起佢以前把聲，每次見到我都好好笑容，敏之食咗飯未呀？唔好餓親啊，收工未啊？唔好凍親啊，每一句問候，都好似一個爸爸，佢同雪（妮）真係好恩愛，我知道你哋一定會重聚，有時我會諗如果可以撳個掣就可以上天堂，咁幾好，唔使咁痛苦，今晚真係好難瞓得著，眼淚忍唔住流，人生真係有太多痛苦要面對，大家都要堅強，關關難過關關過，有唔開心，一定要搵朋友屋企人傾，千祈唔好越諗越負面，我都係要提醒自己，因為愛你嘅人都唔想見到你咁。」
邵氏高層樂易玲則留言表示：「傷心...傷心...難過...難過...悲泣。」
