TVB「御用惡人」與安德尊早結怨？靠模特兒身型一裸成名 移居內地一場騷5位數：講到咁少
發佈時間：09:00 2025-06-19 HKT
現年69歲、有「TVB御用惡人」之稱的王俊棠在70年代被模特兒公司的星探發掘，成為模特兒，到了80年代轉型做電影演員，以「伊凡威」演出過不少惡人角色，後期加入TVB工作後轉用真名「王俊棠」，因演出不少奸角而被稱「御用惡人」，直到近年憑處境劇《愛‧回家之開心速遞》「池富」一角入屋。不過王俊棠近期已甚少見他在幕前演出，皆因他與太太在中山定居，工作量和酬金比香港還要多，有指他每月已有六位數收入。
王俊棠不時被「大王」安德尊狙擊
不過近年王俊棠不時被「大王」安德尊狙擊，試過在龍舟競賽上，先後擔任和鼓手的王俊棠，被安德尊公開，寸爆帶隊多年都未贏過：「剩係掛住四圍去搵食，你咁樣累咗啲同事。」王俊棠早前接受好友楊紹鴻YouTube頻道訪問，對於與安德尊的「恩怨」，王俊棠說：「佢唔係寸我，其實安德尊係一個好人，佢喺電視成日講我個名出嚟，係吸引到人哋對我嘅注意，我哋係好朋友，真係多謝佢。」
相關閱讀：TVB「御用惡人」王俊棠中山豪宅曝光！有大露台景觀開揚 飯廳擺健身器材具空間感
王俊棠「吸金力」驚人？
王俊棠內地工作量和酬金比香港還要多
王俊棠在2019年自爆已定居中山，工作量和酬金比香港還要多，曾有傳王俊棠吸金力驚人，在內地商演出場費為6萬人民幣（約6.61萬港元），連兒子王東泰也曾大爆︰「佢熱愛中國，如果香港冇咩事佢都想留喺內地，同埋好好搵。」在節目上，王俊棠被問此事，他笑說：「有乜可能呀，點解會講到咁少？基本上係冇可能，3幾千蚊梗係有，千祈唔好信，只係餓我唔親，飽我唔死，真係唔好誤會。如果咁樣搵法，我都唔拍劇喇。我同TVB仲約，我而家叫忙啲，拍緊《新聞女王2》、《璀璨之城》，仲有拍《愛回家》。」
王俊棠與梁家輝係同學入行後一裸成名
王俊棠未入行前在夜場「Disco Disco」工作：「其實嗰個年代我已經做model，嗰陣識咗梁家輝，一齊去澳門行過catwalk。到咗198幾年嗰陣，李修賢同王鍾兩個導演落嚟搵我，問我有冇興趣拍戲。」當時王俊棠在王鍾執導、李修賢主演的《流氓公僕》全裸演出：「角色係反一，講我係一個心理變態嘅攝影師，畀修哥（李修賢）帶上露台剝晒衫褲，嗰陣已經好犀利，我要裸跑。」不過王俊棠當時並無簽約李修賢的電影公司：「基本上我唔識得演戲，只係喺度玩， 我自己有份職業，有一間運輸公司，我和我嘅拍檔一人揸一架車做運輸，夜晚喺DISCO做嘢，佢哋搵我開工我就去。」
相關閱讀：王俊棠反駁安德尊斥為搵錢連累同事 否認黑口黑面：條友口水多過茶吹水唔抹咀
王東泰十日賺4位數：
王俊棠兒子王東泰星途平平
王俊棠的兒子王東泰曾入行做藝人，擁有模特體型及俊秀外貌被指神似韓國oppa，一直星途平平未見起色，最近更在疑似轉行並兼職送外賣，王俊棠說：「佢到而家都係做特純約，我覺得冇所謂，人志在四方，周圍行吓都好，事實上佢真係太高，冇乜特別做，佢而家喺健身公司做。王俊棠曾提到父子關係似朋友：「每個人都係獨立個體，唔能夠控制佢，佢自己想點就點，只可以支持佢，除非佢做埋啲犯法嘢。佢都有同我講（入行），佢自己話要考，我唔會阻止，一定要畀小朋友自由發揮，身體健康、開開心心就夠。」
