張振朗大爆TVB人工6千：凍飲加2蚊都唔敢娶硬楊偲泳欲買四層獨立屋：聽日結婚都未定

更新時間：19:00 2025-06-16 HKT
發佈時間：19:00 2025-06-16 HKT

現年37歲、今年初榮升雙料視帝的張振朗，現時備受TVB力捧，有力取代「首席TVB小生」53歲陳豪之位。張振朗與現年31歲的女友楊偲泳（Renci）拍拖多年，專一形象深得網民喜愛，可以說是事業愛情兩得意。入行14年的他可算是守得雲開，近日他接受商台《星光背後》訪問，大爆當年人工僅得6千，永遠記得3名好友請他吃食飯；而他亦大爆跟女友楊偲泳的結婚大計，並且有意買天價獨立屋跟一眾家人同住。

張振朗銘記3好友伸出援手

回想初入行，家住屯門的張振朗人工僅得6千，他表示：「凌晨將軍澳收工最辛苦，要公司車去旺角轉紅van，返到屯門仲要行好遠先到屋企。」他表示曾有3個好友，向窮到燶的他伸出援手：「好記得當時沈震軒帶我食日本拉麵，我一望餐牌，咁貴點算？或者佢睇穿我，話『我請你啦』。又有一次同朱敏瀚、樂瞳一齊出去食嘢，又係見到菜單好貴，佢哋都係講咗一句『我請你啦』。好記得呢啲畫面，當時連凍飲加兩蚊都唔夠膽，事關第二日食飯可能就係爭呢兩蚊。」

張振朗爆TVB辛酸史：

張振朗爆結婚大計

張振朗和女友楊偲泳拍拖6年，現時二人的事業都相當不俗，他指他們彼此就是大家的「護身符」。他表示現時家人沒有催婚，故此不急於結婚，但指自己好傳統，終有一日會結婚：「當然會想做呢件事，依家關係好舒服，但要等多一陣，因為我同佢都衝刺緊。我哋係好chill嗰種，突然之間聽日做都唔出奇！」此外，張振朗和家人感情極佳，他希望將來儲夠錢，就買獨立屋供父母、哥哥一家四口一共八人一起住：「佢哋6個之外，仲有一個係邊個呢？哈哈！同屋企人一齊住好開心呀，最好係一幢四層樓嘅獨立屋啦。」

張振朗曾被封「地獄黑仔王」

張振朗曾被封「地獄黑仔王」，因為他試過連續5套主演劇集臨出街被抽起，拍劇亦多次受傷，其中兩次即時送院，「嗰幾次受傷係好恐怖，嗰啲劇係朝早話播，到晏晝又唔播。我會諗係咪個天覺得我唔啱呢行？好彩我樂觀，會諗如果啲劇當時播，或者會畀人鬧到反艇，嗰兩次嚴重意外，如果我真係黑仔，有可能瓜咗，個cam跌落嚟嗰次，有可能毀容喎，好彩只係中膞頭！令我知道凡事往好方面睇，好嘢自然會埋嚟。」