80年代「電視先生」毅然離港陷人生低潮？放下身段主動出擊因一事由零開始 曾戀TVB小花傳偷食離婚
發佈時間：09:00 2025-06-18 HKT
現年60歲、80年代電視小生何英偉在1986年以模特兒身份參加亞視第一屆《電視先生選舉》比賽，在準決賽先後奪得「好好先生」及「開麥拉大獎」兩個獎項並晉身總決賽後，簽約成為亞視旗下藝員，直到1990年1月，何英偉跳槽過檔TVB，不過在1997後淡出幕前。
何英偉一度轉型不再做演員
原來何英偉當時一度轉型不再做演員，直到近年才偶爾復出拍劇，日前罕有地接受劉雅麗的YouTube頻道訪問，重提當年毅然離開香港，何英偉說：「嗰陣搵唔食，咪索性出去闖一闖，啱啱開始嘅時候好難過，因為做演員好多嘢都係被動，身邊人係準備好晒先叫你埋位，但係出嚟做嘢好唔同，要主動去做嘢。」
相關閱讀：前選美冠軍突宣布離婚！391字斬斷與前小生老公24年孽緣：欺騙不堪到此為止
何英偉人生最fit時候轉行
何英偉稱當年試過幫一間公司賣濾水器，剛開始的時候實在很尷尬：「嗰陣好唔捨得唔拍戲，係我人生最fit嘅時候，但係我係咁逼自己，慢慢真係搵到食，叫做同屋企有個交代，過咗一年都有人叫我拍返戲，不過覺得既然出咗去闖，點都要試下，結果嗰二年除咗賣濾水器，又有做過地產，係有啲成功感，叫做搵到錢。」其後再有找何英偉去台灣拍戲：「本來諗住拍完戲再返去做生意，點知最後冇咗，可能我唔識國語，我又賴死唔走，留咗二年用晒啲錢，咪死死氣返香港，但係冇錢又失業，個人都謝謝哋。」
何英偉人生絕境時候遇貴人
在人生絕境的時候，突然有一間上市公司找他，何英偉說：「嗰陣係一間紙廠搵我返內地做銷售經理，嗰陣我放低晒自己，大家三口六面講清楚，結果一做就做咗20年，我真係好感謝佢，喺我最低潮遇到呢個人，由零開始做到一人之下萬人之上。」何英偉曾與《大時代》方家二女「方芳」吳詠紅在1995年結婚並育有一女，可惜之後因性格不合，兩人2010年離婚收場，吳詠紅獨力撫養女兒，並轉行任職化妝師及美容培訓專家；何英偉坦言未有想再結婚，直到遇上現任太太，婚後育有一對兒子。
相關閱讀：61歲曾涉毒前小生再傳情變 屢偷食曾被拍到激吻女富商 與選美前妻復合後驚爆第三度分手
林美貞與孫興離婚：
何英偉傳偷食與吳詠紅離婚
吳詠紅當年與郭富城、邱淑貞、邵仲衡都是被力捧嘅「銀河十星」，可惜星途一般，之後與前TVB藝人、亞洲電視先生出身的何英偉結婚，淡出幕前轉行做化妝師，當年有傳前夫何英偉偷食致二人離婚，不過多年後吳詠紅為前夫澄清：「我而家單身，但分開唔係因為第三者，大家性格、睇嘢方式好唔同，婚姻係要一對好成熟嘅人維繫，好難完全係夾。」吳詠紅又指前夫對工作、朋友都好認真，只係外形花弗，大家再見亦是朋友，吳詠紅亦讚前夫的現任太太係一個好純樸、好乖女仔，與女兒關係亦好好。
