《他來自江湖》「老姑婆」淡出逾30年罕現身 愛女2歲患血癌因一畫面「轉念」奇蹟康復
發佈時間：09:00 2025-06-14 HKT
現年64歲的陳嘉賢，曾於經典劇集《他來自江湖》飾演「老姑婆」黃玉華一角而為人所知。陳嘉賢當年畢業後報讀無綫電視第11期藝員訓練班，同期同學還有梁朝偉和周星馳，畢業後加入TVB。及至1993年，她決定退出娛樂圈，正式轉行先後從事過保險、兒童導師等工作。近日陳嘉賢接受前主播方健儀的訪問，提及她的女兒2歲時患癌的情況，以及在訓練班的趣事。
陳嘉賢女兒病發時誤以為貧血
陳嘉賢早在1989年時與圈外男友結婚，兩人婚後育有一子一女，她於1992年誕下女兒，但在女兒2歲時發現患上血癌。她說：「我個女一出世嗰時已經好活躍 ，嗰輪唔知點知（囡囡）好呆，後來佢發燒，發燒就入咗醫院住咗一段時間，醫生就話佢貧血，過多一個禮拜，啲血繼續貧，醫生就覺得唔對路，就要抽骨髓，當時我就好緊張，抽骨髓嗰陣時就證實佢有血癌，轉送咗去威爾斯兒童癌病中心度醫。」
陳嘉賢愛女患癌狀態極慌亂
陳嘉賢憶述最初知道女兒患上癌症，整個人都非常慌亂，「我記得我由轉去兒童癌病中心嗰時，有個朋友陪我去，佢話你做一、二、三、四（呢幾樣嘢），咁我企喺度乜都唔郁，跟住佢下一句講，哎也算啦算啦，你唔好做啦，你繼續企喺度啦，阿邊個邊個幫佢做啦咁，其實（亂到就算神）指引咗我，我都聽唔到、做唔到，即係慌亂得好緊要。」
陳嘉賢不願女兒孤單
陳嘉賢指自己當時慌亂得甚麼都做不來，「我點樣離開呢個慌亂呢？我祈禱，祈禱求神，喺個腦裡面走咗個形象出嚟，就係一個老人家80幾歲，推住個木頭車，有句聲音就喺腦裡面講，如果你個女長命80幾歲，好似呢個婆婆咁，但佢孤孤單單嘅，你會情願佢一歲已經返天家，我真係認真咁樣諗。」
陳嘉賢笑言自己當時只想兩樣都不選，反問為甚麼不能沒事發生好好長大，「我就諗兩樣都唔揀得唔得啊？但係我又諗，咁調返轉我會點揀呢？我發現我自己揀到喎！ 咁我梗係揀一歲啦，自此之後我就知道方向，我情願佢一歲一生有愛，都唔情願佢80歲孤孤單單。」
《他來自江湖》7位已故演員：
陳嘉賢愛女26歲從事廣告界
陳嘉賢憑著一個「轉念」改變了當時的想法，她說：「咁我就集中精神點樣去令我個女感受到愛，我覺得調校咗個方向，原來你同樣做一樣嘢同行一段路，你真係會好唔同。」結果陳嘉賢的女兒奇蹟康復，她笑說：「依家都26歲啦，做緊廣告。」
陳嘉賢評梁朝偉周星馳：幼稚
另外，陳嘉賢亦在訪談中分享當年入讀藝訓班的趣事，訪問中方健儀問她當時對梁朝偉及周星馳有甚麼想法，她說：「佢哋兩個梗係好犀利啦，佢哋兩個成日扮李小龍，鬥功夫啊！喺我眼裡面，因為我大佢哋幾年，我就覺得佢哋咁細路仔，（覺得）呢班人唔啱玩嘅，係細路嚟，喺我眼裡面當時就係幼稚，但依家就，佢哋識得用嗰啲嘢去發揮佢哋自己！」
