《他来自江湖》「老姑婆」淡出逾30年罕现身 爱女2岁患血癌因一画面「转念」奇迹康复
发布时间：09:00 2025-06-14 HKT
现年64岁的陈嘉贤，曾于经典剧集《他来自江湖》饰演「老姑婆」黄玉华一角而为人所知。陈嘉贤当年毕业后报读无线电视第11期艺员训练班，同期同学还有梁朝伟和周星驰，毕业后加入TVB。及至1993年，她决定退出娱乐圈，正式转行先后从事过保险、儿童导师等工作。近日陈嘉贤接受前主播方健仪的访问，提及她的女儿2岁时患癌的情况，以及在训练班的趣事。
陈嘉贤女儿病发时误以为贫血
陈嘉贤早在1989年时与圈外男友结婚，两人婚后育有一子一女，她于1992年诞下女儿，但在女儿2岁时发现患上血癌。她说：「我个女一出世𠮶时已经好活跃 ，𠮶轮唔知点知（囡囡）好呆，后来佢发烧，发烧就入咗医院住咗一段时间，医生就话佢贫血，过多一个礼拜，啲血继续贫，医生就觉得唔对路，就要抽骨髓，当时我就好紧张，抽骨髓𠮶阵时就证实佢有血癌，转送咗去威尔斯儿童癌病中心度医。」
陈嘉贤爱女患癌状态极慌乱
陈嘉贤忆述最初知道女儿患上癌症，整个人都非常慌乱，「我记得我由转去儿童癌病中心𠮶时，有个朋友陪我去，佢话你做一、二、三、四（呢几样嘢），咁我企喺度乜都唔郁，跟住佢下一句讲，哎也算啦算啦，你唔好做啦，你继续企喺度啦，阿边个边个帮佢做啦咁，其实（乱到就算神）指引咗我，我都听唔到、做唔到，即系慌乱得好紧要。」
陈嘉贤不愿女儿孤单
陈嘉贤指自己当时慌乱得甚么都做不来，「我点样离开呢个慌乱呢？我祈祷，祈祷求神，喺个脑里面走咗个形象出嚟，就系一个老人家80几岁，推住个木头车，有句声音就喺脑里面讲，如果你个女长命80几岁，好似呢个婆婆咁，但佢孤孤单单嘅，你会情愿佢一岁已经返天家，我真系认真咁样谂。」
陈嘉贤笑言自己当时只想两样都不选，反问为甚么不能没事发生好好长大，「我就谂两样都唔拣得唔得啊？但系我又谂，咁调返转我会点拣呢？我发现我自己拣到㖞！ 咁我梗系拣一岁啦，自此之后我就知道方向，我情愿佢一岁一生有爱，都唔情愿佢80岁孤孤单单。」
《他来自江湖》7位已故演员：
陈嘉贤爱女26岁从事广告界
陈嘉贤凭著一个「转念」改变了当时的想法，她说：「咁我就集中精神点样去令我个女感受到爱，我觉得调校咗个方向，原来你同样做一样嘢同行一段路，你真系会好唔同。」结果陈嘉贤的女儿奇迹康复，她笑说：「依家都26岁啦，做紧广告。」
陈嘉贤评梁朝伟周星驰：幼稚
另外，陈嘉贤亦在访谈中分享当年入读艺训班的趣事，访问中方健仪问她当时对梁朝伟及周星驰有甚么想法，她说：「佢哋两个梗系好犀利啦，佢哋两个成日扮李小龙，斗功夫啊！喺我眼里面，因为我大佢哋几年，我就觉得佢哋咁细路仔，（觉得）呢班人唔啱玩嘅，系细路嚟，喺我眼里面当时就系幼稚，但依家就，佢哋识得用𠮶啲嘢去发挥佢哋自己！」
