黎燕珊大女結婚丨婚宴場內片曝光！黎燕珊代冇影前夫劉永做一事感動全場致辭感謝前親家

更新時間：18:30 2025-06-11 HKT
發佈時間：18:30 2025-06-11 HKT

黎燕珊的空姐大女劉詠詩（Wynce）去年與從事IT界的男友鄭健民（Kenneth）結束12年愛情長跑宣布結婚，二人育有女兒鄭凱蕎（Eleana）。劉詠詩與鄭健民日前在尖沙咀擺婚宴暨弄瓦喜酒，筵開21席，不少名人明星都有出席。黎燕珊與劉永當年離婚鬧得極不愉快，雙方不往來多年，而劉永日前亦缺席女兒婚宴。今日（11日）黎燕珊在IG上載女兒婚宴場內片，可見由她代前夫劉永拖女兒進場感動全場。

黎燕珊拖女兒劉詠詩進場

黎燕珊在離婚後，母兼父職獨力照顧一對子女，日前黎燕珊亦擔起「一家之主」的責任，在婚宴上拖女兒劉詠詩進場，親自將女兒的手交給女婿，黎燕珊流露出不捨神情，場面感人。在黎燕珊分享的影片中，女兒及她致辭的部份都未有提及劉永，不過黎燕珊則特別感謝前親家、劉永的胞姊劉筱玲博士。

黎燕珊女兒婚宴場內片曝光？

黎燕珊感謝前夫胞姊

黎燕珊做單親媽媽多年，終於見證女兒結婚，黎燕珊在婚宴上致辭，衷心感謝到場的親友，指當中不少是認識逾20年的好友。黎燕珊哽咽表示：「我人生最迷惘嘅時候，有你哋陪住我一齊行，成日鼓勵我。」黎燕珊感嘆時光飛逝，如今女兒已成為人妻兼人母，她說：「我好感謝天父，賜咗一對咁乖、咁聽話嘅仔女畀我，減省咗我喺路途上嘅勞累。」此外她也感謝劉永的胞姊劉筱玲，「好多謝好錫佢哋（黎燕珊子女）嘅三姑媽劉筱玲博士，劉校長係蔡繼有（保良局蔡繼有學校）嘅校長，真係好錫我對仔女，成日教佢哋……亦都好錫佢哋。」

黎燕珊女兒婚宴星光熠熠？

黎燕珊女兒感激媽媽養育之恩

黎燕珊女兒劉詠詩在台上感謝媽媽及胞弟，黎燕珊與兒子在台下都感動得眼濕濕。劉詠詩說：「我嘅成長環境一路都好快樂，細佬，我特別想多謝你，成日咁錫我。但而家你都大個仔喇，好可靠㗎喇！你可以將保護我嘅責任，交畀哥哥（姊夫）喇！」而黎燕珊在女兒說出感謝辭前，在台下大叫：「媽咪錫晒你呀！」劉詠詩感謝媽媽一直以來的照顧，「你辛辛苦苦湊大我，你個女終於出嫁喇！見到你今日咁開心，我已經好滿足喇，自從做咗媽媽，我知道湊大一個小朋友真係唔容易，有好多血汗淚水，真係解釋唔到，辛苦你喇！」黎燕珊聽到女兒這番話也感動得在台下抹淚。