88歲余慕蓮最新近況曝光！每周花五位數買特效藥 一個人唔敢出街：咳得好緊要
發佈時間：14:30 2025-06-08 HKT
88歲余慕蓮（魚毛）近年身體狀況欠佳，近年先後患耳石症、血液炎及肺纖維化，一度留醫深切治療部，幸好余慕蓮康復進度理想，近年不時出席朋友聚會，不過今年4月余慕蓮在深夜曾因感到心口劇痛，按平安鐘求助後被送往急症室診治，留醫3日後出院並回家休養。
項明生到余慕蓮家中探望
旅遊達人項明生日前到余慕蓮家中探望並留言：「同最美的余慕蓮飲茶，她的美源自內心。」當日余慕蓮穿上牛仔褸及牛仔褲，白恤衫再襯一條紅白藍絲巾，還塗上紅色唇膏，打扮十分醒神，余慕蓮說：「唔咳嗰陣就好，一咳眼淚鼻涕都出晒。」
相關閱讀：87歲余慕蓮深夜心口劇痛入院 按平安鐘求助睇急症 去年染肺炎悲觀看待：未必過到
余慕蓮近況曝光？
余慕蓮全程展露歡顏
項明生其後身與余慕蓮外出飲茶，坐在輪椅的余慕蓮全程展露歡顏，她透露平時也有曬太陽。回到家中，余慕蓮表現得更精靈，扶實旁邊櫃子不需要用拐杖，項明生讚她「幾精神又靚女」並說：「你隻腳企到已經係祝福嚟，有排玩呀，唔好話今年（離世）。」余慕蓮說：「我一個人唔敢出街。不過我咳得好緊要，我寫咗平安紙，因為我第二日唔係度，啲嘢都全部丟，鍾意攞就攞。我銀行仲有啲錢，第二日捐畀嗰啲做三行跌死咗、跌傷咗，好慘㗎。」余慕蓮又稱目前要食特效藥，一個星期要2萬4千。
余慕蓮近年身體轉差
余慕蓮近年身體轉差，去年8月在摯友米雪及安德尊協助下，完成捐贈財產的心願。余慕蓮更透露覆診時一度被醫生禁止出院，「去到醫院又試過嘔，嘔到咩咁……咁我就知我唔掂喇！」余慕蓮指早前重病復發，服食了標靶藥，但成效不大，轉為每月花萬元服食特效藥。其實早幾年余慕蓮大病已做定心理準備會隨時離開，她於接受《東張西望》訪問表示：「以為死緊，點知死唔去，又畀我玩多幾年，瞓醒咪賺一日囉！每個人都要死，我而家希望死得舒服啲，唔好瞓到屁股又爛、身又爛，最緊要瞓喺度，睡醒已經唔喺度。」余慕蓮坦言不求風光大葬，只希望觀眾記得她。
相關閱讀：87歲余慕蓮感染肺炎！穿大褸久違露面悲觀面對病痛：未必過到今年
余慕蓮心口劇痛送往急症室診治？
