羅家英四度挑戰癌魔零化療 接受前列腺癌手術後曾失禁要用尿片 汪明荃不離不棄支持廝守到老
發佈時間：16:00 2025-05-30 HKT
現年78歲的羅家英曾在2004年及2014年兩度患肝癌，2019年又被發現患前列腺癌，不過幸好最後成功抗癌，近年羅家英積極做運動及配合健康飲食，狀態非常不錯，不過跟隨明星足球隊出外比賽，而且還主持電視節目兼做舞台劇。羅家英日前自揭第4次患癌，最多剩下9年壽命，但他選擇豁然面對，不會做化療和電療：「我就舒舒服服再見。」
羅家英積極治療勇敢面對頑疾
曾4度患癌的羅家英當年兩度罹患肝癌，一度需要割肝保命，當時羅家英積極治療，勇敢面對頑疾，他亦曾表示得癌症並不代表只有壞的，也給了自己更加精彩的人生，而且現在治癒方法越來越多，大家應該要勇於面對，而不是放棄，只有堅持一樣可以擁有精彩人生。
相關閱讀：羅家英驚爆第4次患癌僅剩9年壽命：我不怕死 拒做化療看透生死 04年首確診肝癌獲汪明荃無限支持
汪明荃羅家英結婚年愛情侶裝：
羅家英患上肝癌第3期一度割肝保命
羅家英在2004年時確診患上肝癌第3期，一度要割肝保命，當時汪明荃不離不棄陪伴抗癌，而且更四出訪尋名醫，重提當年患病經過，羅家英說：「嗰陣我只係切咗個腫瘤，之後只係食一粒肝藥，我到而家都食緊，我連電療同化療都冇做過。」羅家英稱當時因為胃痛而入院，打完止痛針15分鐘之後依然覺得痛，於是醫生建議入院檢查：「第二朝醫生話：『家英哥，你中咗。』醫生話驗血報告發現有癌症指數，普通人係4、5度，但係我有500度，佢叫我要做過磁力共振同搵多個醫生睇。」最後羅家英發現肝藏有3cm大的腫瘤：「係惡性，不過好彩腫瘤得一粒，仲係喺肝嘅邊，冇擴散，只係割咗就得。」
羅家英慶幸自己難得「病到好似我咁好運」
完成手術後的三個月，羅家英再去做磁力共振：「我一路都係咁照住，每半年去做一次，監察注啲指數，點知去到2014年，喺左邊肝又發現一粒2cm大嘅腫瘤，又係喺邊邊，我喺舊年（2023年）都發現有一粒，不過好細，用微創割咗佢。」經歷過後，羅家英覺得很幸運：「嗰個醫生真係好好心，佢諗羅文又肝癌，我又係姓羅，不如幫我驗埋肝嘅癌症指數，本來唔會特別去驗，因為要畀錢，點知一驗就驗咗出嚟，如果唔係佢咁好心，我唔會知，而且三個月就會變雙倍，好快就晚期，容乜易死？如果咁唔好彩好似我咁有病，但係又好彩病到好似我咁好運，真係難得。」
相關閲讀：羅家英公開順德特色建築風格祖屋陳年照 網民錯重點留意汪明荃年輕時打扮
羅家四度患癌得汪明荃持支持：
羅家英完成前列腺癌手術曾出現失禁
到了2019年，羅家英又再發現患上前列腺癌，羅家英完成手術後說：「已經冇晒癌指數，之前抽8粒組織，當中4粒有癌細胞。但手術後有後遺症會失禁，冇辦法啦，唯有著尿片，應該著3、4個月，趁後生早點做手術，年紀大做怕身體頂不順。」直到近年羅家英才開始服食中藥，他說：「因為阿姐都食緊中藥，所以佢帶埋我去睇，醫生打咗啲藥粉畀我食，一食要食三個月，要6萬蚊。」羅家英和汪明荃相愛超過20年，兩人有過不少經歷，曾於1985年患甲狀腺癌的汪明荃，在2002年被證實患上乳癌：「因為我係屬於好早期，發現得早可以早啲做手術，所以可以冇事，唔使做化療或電療，既然醫生話我冇事，我就唔當自己有病，今次之後我覺得上天對我好好，我會更積極生活。」羅家英當時一直陪在汪明荃左右，陪伴她戰勝病魔。
