余思敏再被爆與鄭中基「離婚」內幕 子女與母間歇性同住 好友衛志豪：佢都幾辛苦
發佈時間：17:18 2025-05-24 HKT
林保怡、陳自瑤、衛志豪、王尹菁等今日（24日）出席TVB劇集《刑偵12》宣傳活動，衛志豪首次跟林保怡合作，大讚對方十分照顧別人，又笑指林保怡沒有扔劇本，皆因劇本已在腦海中。談到網民大讚林保怡凍齡有術，衛志豪笑謂：「又真喎！我睇返《大時代》，佢個髮型爭少少，真係無乜變。」
衛志豪爆好友余思敏近況
提到好友余思敏與鄭中基被傳正辦理離婚，衛志豪坦言跟好友余思敏有聯絡，對方心情已平伏，因為進入司法程序，所以不會深入去了解。他說：「我哋成班朋友成日陪佢，但佢要照顧小朋友同打理屋企，父母又要照顧，其實佢都幾辛苦。不過有時間我哋班朋友都會陪佢食飯傾計。（余思敏跟子女同住？）有時。」談到余思敏會否很憂心，他說：「如果每個人遇到呢啲事都好唔開心，加上依家未解決，希望佢開心啲。」衛志豪又指余思敏也想工作，但有待子女長大先，對方有意在網上發展，因為較為自由。
相關閱讀：鄭中基與余思敏傳離婚後首受訪 外型突變現頹廢感 神情恍惚面容憔悴
余思敏與鄭中基「離婚」內幕再曝光？
衛志豪指陳百祥與譚詠麟無反面
對於有指陳百祥與譚詠麟因「明星足球隊」分家而不和，問到衛志豪會跟那一方？他笑說：「唔好分邊邊，我跟校長踢波，都係踢波。（陳百祥與譚詠麟反目？）無反面，有傾計呀。」
陳自瑤劇中被前夫彭懷安強暴
陳自瑤透露劇中被前夫彭懷安強暴，拍攝前對方好尷尬，由於強暴情節，所以都叫對方可用力捉住她，亦不介意錫頸部位。談到演強暴戲時，飾演女兒的王尹菁同場出現。陳自瑤大讚王尹菁一點也不尷尬。王尹菁笑謂：「常識科學有教過呢啲嘢！」林保怡笑言這場強暴戲被他英雄求美，一拳打落去彭懷安，豈料大力打到「嘭」一聲，因進行拍攝中，惟有繼續打第二拳，事後都有跟對方講對不起。談到該劇播映五集，獲得不少好口碑。林保怡坦言有好多評論，建議觀眾要睇多幾集。提到有網民大讚林保怡凍齡有術，他笑說：「點會呀？可能我唔化妝而分別唔太大，都老咗！」提到網民指他皺眉都滲出戲味，他說：「咁又係呀！我都做咁多年戲。」
相關閱讀：鄭中基余思敏傳離婚每月僅$8,000贍養費 古天樂：畀啲空間佢，我哋有通電話
林保怡與陳自瑤等為《刑偵12》宣傳？
陳自瑤憑《婚後事》得獎
另外，提到陳自瑤早前憑《婚後事》演張明芯一角在「新時代國際電影節」獲頒「最受歡迎女演員」，談到能獲得視后而獲得平反？她表示每位演員都演得好，但頒獎禮有很多內地演員，所以港劇能夠能夠突圍而出好開心同榮幸。
