樂壇「冠軍王」同老婆爭住死？自認性格古怪做人有偏差 連另一半都公開講：佢真係好奇怪
發佈時間：09:00 2025-05-03 HKT
38歲羅力威曾經在2009年因參加第一屆《亞洲星光大道》奪得總冠軍後，在樂壇風頭一時無兩，因為當時在樂壇發展暢順，所到之處都有fans支持，成為樂壇一顆觸目新星。但其後羅力威突然沉靜，與雨僑婚後突然間變成「住家男」，專心照顧一對仔女。
羅力威公開大讚老婆令他變得完整
直到去年羅力威終於現身唱歌，令fans們大叫驚喜，羅力威曾說：「我知有好多歌迷一直喺度等待，我都好很期待同佢哋見吓面。」昨日羅力威和雨僑罕有合體接受YouTube節目「絲打圍爐」的訪問，羅力威公開大讚老婆令他變得完整，二人更為因為一件事「爭住死先」。
相關閱讀：羅力威相隔數年終於復出街頭表演 談「星光幫」古淖文奪冠：我知佢會贏
羅力威同老婆鬧早死：
羅力威一改昔日沉默寡言形象
在節目上，羅力威一改昔日沉默寡言的形象，罕談與太太的關係，羅力威說：「我本身唔係一個專注異性外表嘅人，我反而着重內在，可能佢就係簡單地明白我，我知道自己做人、做嘢又或者思考嘅時候，同正常人係有啲偏差，佢會包容我呢樣嘢，又會嘗試拉我行返去正常路線，唔好太偏，唔好變得喺某一個方向奇怪咗。」羅力威還自認一個幸福的人：「我會覺得我嘅生命係完整，身邊係需要一個有阿僑嘅人，如果我冇咗佢，我會唔知乜嘢係重要，會行偏咗，又或者做錯事。」雨僑更說：「佢真係好奇怪，但係呢啲影響唔到我哋嘅關係，我成日都同佢爭一樣嘢，希望死先過佢，邊個都唔想做死遲嗰個。」
羅力威雨僑一度轉為「地下情」
羅力威和雨僑在2018年宣布結婚，婚後育有一子一女，至今仍然十分恩愛，但其實這段關係實在得來不易。同樣是歌手出身的雨僑當年十分欣賞羅力威，曾邀請羅力威為演唱會嘉賓，過了不久開始傳出戀情，不過雨僑的老闆極力反對，直斥羅力威為「二打六歌星仔」，如果雨僑堅持與羅力威一起，就會把她雪藏，雖然雨僑曾以一句「我唔鍾意人咁稱呼我朋友」回應，但最後無奈轉為「地下情」，即使同場都會避嫌，結果不時都會傳出二人已分開的消息，先有傳羅力威不滿雨僑在電影《喜愛夜蒲3》的大膽情慾演出，接着再傳東莞首富之子鄭家星又對雨僑展開攻勢，直到2014年，有傳羅力威被雨僑狠撇，但原來羅力威和雨僑根本未有分開。
相關閱讀：雨僑情人節宣布幼子出世晒B仔萌照 眼仔勁長面珠有肉地激似爸爸
羅力威宣布終於現身唱歌！
羅力威
羅力威出道後吸引了不少fans支持，他曾經說過：「佢哋一般都好照顧我，基本上你諗到嘅、買嘅、整嘅同食嘅都收過晒，所以好多嘢都有，其實係前世做咗啲好事，得到咁幸福嘅嘢。你問我有冇覺得飄飄然，反而覺得個人嘅脾氣同性格差咗，可能係平時生活上冇預到呢啲壓力，對人又或對同事，總有一日總有啲嘢會出錯。」羅力威婚後與太太雨僑齊齊做網上生意兼網上頻道，實行夫婦檔拍住上，不過對羅力威而言，最大的改變是變得開朗兼變得好健談，他曾說：「可能人嘅階段唔同咗，開頭會覺得啲人係害我，細個唔懂事，覺得呢行咁複雜，唔知係咪個個衰人，其實呢行好多都係好人嚟，咁衰人周圍都有，唔單止呢行。而家正常做番一個人，以前唔算太正常！」他還說太太雨僑絕對功不可抹：「佢所有睇法同我講嘅說話、思維內涵，都係100分，咁我喺佢身上得到好正面嘅影響。」
