榛綦新歌《第一萬零一次重遇》與《第一零一次再見》相呼應寄語珍惜每段友情

更新時間：21:36 2025-03-27 HKT
發佈時間：21:36 2025-03-27 HKT

榛綦（Natalie）繼去年推出《第一零一次再見》後，昨日（26日）再推出年度首支派台歌《第一萬零一次重遇》，跟上一首歌作呼應，以友情為主題，帶出再見過後便會重遇，珍惜每段好友關係，而新歌《第一萬零一次重遇》MV亦於今晚（27日）播出。榛綦透露，早前曾患上嚴重皮膚炎，整個人變得浮腫，就連工作亦要暫緩，終日以淚洗面，全賴身邊好友鼓勵及陪伴，令她度過這個人生低潮期。

榛綦新歌《第一萬零一次重遇》由Cousin Fung編監

榛綦的歌曲《第一萬零一次重遇》，由Cousin Fung作曲、編寫及監製，林若寧填詞，曲風以輕快為主，呈現好友重遇的開心情懷，榛綦說：「今次歌曲跟《第一零一次再見》有相連關係，都係人生一定會經歷嘅情景，不論係離別定重逢，都係成長必經階段，亦希望透過歌曲，帶出好好珍惜身邊每段友情嘅訊息。」

榛綦新歌《第一萬零一次重遇》MV台灣取景拍攝

榛綦今次的歌曲MV，跟《第一零一次再見》一樣，在台灣取景拍攝，靚人靚景，期間拍攝組除了安排多位台灣女生飾演榛綦好友外，亦有榛綦玩煙花及初嚐坐電單車的滋味。榛綦表示：「嗰次係我第一次坐電單車，感覺好好奇，但原來要平衡係好難，同普通單車差好遠，短短10分鐘拍攝，我緊張到流晒汗，但都好開心希望下次有機會再玩過。」

提到今次歌曲主題「友情」，榛綦透露早前曾經歷人生低潮期，全賴身邊好友鼓勵，才令她振作起來：「之前突然免疫力下降，然後皮膚炎，成個人腫晒，咁啱嗰時又要拍MV，但因為病，工作要延遲，覺得好沮喪，有種好對唔住身邊製作團隊嘅感覺，每日都喊同好自責，好彩嗰時身邊好朋友好鼓勵我，話我已經病，要保持心境開朗先會好番，好感謝佢哋當時對我嘅開解，令我慢慢好過來。」

↓立即下載星島頭條App↓