機場三跑十公里賽｜吳業坤大曬與周潤發合照興奮透露發哥叫得出他名字曾想退跑抱「一生懸命」堅持

更新時間：15:45 2024-11-18 HKT
發佈時間：15:45 2024-11-18 HKT

機場三跑道系統十公里國際賽昨日（17日）舉行，一向熱愛跑步的影帝周潤發、唐詩詠、方力申、吳業坤、和商台DJ當奴等亦有參與，引起不少在場人士哄動並爭相打卡合照。其中，吳業坤（坤哥）日前才完成毅行者賽事，緊接翌日便參加機場賽跑，他興奮透露發哥能叫出他的名字。

坤哥今早（18日）在社交平台貼出多張賽跑的照片，並分享感受表示前一晚行完毅行者，腳痛兼起晒水泡，就連落牀都有難度，恐怕自己跑唔郁，他寫道：「不過講咗唔去好衰仔（雖然成日），同埋唔知仲有無機會可以係機場入面跑步，就抱著一生懸命的心去，想當年第一次10K完三日行唔到路，到今日行完100K仲可以破自己紀錄57分12秒，好開心！」

他續指：「雖然跑步我唔識帶出咩大道理，但相信同做人一樣，望著前面唔好耷低頭一步一步踏出去，抖都唔好比自己停，慢小小抖兩啖氣繼續衝就好了。Btw我跑果時又換衫又揼自己心口又大叫不要見怪最後見到好多朋友仔！開心的早上！」而他亦有分享與發哥的合照，並寫道：「發哥叫得出我個名好開心（多謝記者朋友們出口相助）。」

至於，唐詩詠在完成賽事後亦有貼文，她表示：「終於完成期待已久機場三跑，天公做美，臨跑前一刻停雨，冇諗過同啲飛機咁近距離一路跑一路睇住佢哋升降，沿路又有音樂，又有打氣隊，成個過程超正，跑得好舒服，今年比上次快左要繼續努力，Thank you 蘇教練，各位隊友」網民都指離巢後的她，生活寫意，找回自己的人生。

↓立即下載星島頭條App↓