張致恒脹爆樣內地登台獲巨星級待遇被嘲 雯雯被斥連累老公：我係成日發癲
發佈時間：14:35 2024-05-27
39歲張致恒2019年與粉絲區燕雯（雯雯）奉子成婚，結婚四年育有四子，不過張致恒與雯雯經常鬧婚變，又被追數，被封為「離婚KOL」。雯雯最近一年不斷瘋狂在IG數臭老公，經常鬧爆張致恒不肯開工，早前又再財困的雯雯日前更發表「離開世界」論，令網民擔心她做傻事。曾網上公開搵工的張致恒，近日終於有工開，日前到廣州一間酒吧登台，還大唱當年BOYZ的經典金曲。
相關閱讀：性上癮男星搭港鐵遭捕獲走晒樣被問邊位 網民隔Mon嘲諷身上飄噏臭味
張致恒脹爆登台：
張致恒與老婆雯雯隨了四個囝囝外，還有三隻狗狗，使費龐大，長期陷財困的張致恒更試過貼出QR Code向網民求助，被嘲諷是乞丐。上周張致恒還一度在IG出Post搵工。上周五（24日）張致恒終於有工開，今次是獲廣州一間酒吧邀請登台，登台片段還在網上瘋傳。身型比昔日脹爆不少的張致恒一身牛仔裝打扮出場，抵達酒吧時，獲大會安排拉炮歡迎，並在大佈景板上簽名，猶如巨星一樣。
脹爆張致恒仲跳得郁
張致恒當日登台繼續唱BOYZ的經典歌《死性不改》及《LALA世界》，在場不少觀眾更揮動着印有張致恒的應援牌或螢光棒；而唱《LALA世界》時，張致恒更顯得非常投入，一邊唱一邊跳，彈吓彈吓地單手揈上揈下，全場氣氛勁high，不少觀眾更走到台邊歡呼及拍片。
張致恒夫婦婚變日常：
不過張致恒難得登台賺外快，卻連內地網民也群起狙擊：「這傢伙白天在香港打散工，晚上過大陸做明星」、「全網監督張致恆還錢，今鋪有工開就有錢還啦」、「好心減肥」、「為甚麼同一個組合，兩個人差距咁大，關智斌又有錢又帥」、「一開始以為是麥包在酒吧唱歌」。不過也有網民撐張致恒：「做人留一點口德，不要那麼黑，你的人生也沒有一帆風順」、「都留點口德吧，他也要賺錢養小朋友」。
網民批雯雯連累張致恒
香港連登討論區昨日也有開帖討論張致恒登台，開post網民還表示：「佢老婆今次開心啦！唔使再鬧個老公冇嘢做話佢廢。」不過今次有大批網民怒轟雯雯：「Steven人生最錯就係娶咗個廢柴老婆，先會搞到佢今時今日咁X折墮嘅地步」、「佢同關智斌唔可以一齊開演唱會嗰下，就畀個垃圾老婆搞到一路黑X到而家」、「雯雯想嫁明星做少奶奶唔洗做，但事以願違，唔係佢日日上網數Steven搞臭佢個朵，又點會淪落到無job接，要打啲濕X工渡日」。
雯雯護夫：點解唔可以畀條路佢行？
對於老公張致恒被網民狂踩，雯雯今日（27日）發文護夫，她在IG限時動態轉發負面報道表示：「其實有工作搵下錢生活又要畀你哋寫到咁，其實你哋內心係諗咩，係咪真係全家消失你哋呢班人就最開心。」、「每日有工作話，開始解決緊問題，唔通又要日日好高調放出嚟話你知？」雯雯一反常態讚老公：「衰佢係衰，但佢仲肯堅持搵錢畀屋企，點解唔畀條路佢行，繼續笑繼續踏（踩），你哋真係咁開心」、「之後我唔知，雖然係遲咗啲，但至少個仔生日，佢靠自己工作搵到錢，同到佢簡單慶祝，我已經覺得係好開始」、「畀條路人行，其實會唔會畀逼死一個人更加有意義？」最後，雯雯更表示：「我係成日發癲，成日鬧成日踏（踩），當時佢的確係廢但佢宜家每日肯工作，仲肯生存，想從新開始，咁點解唔可以畀佢行？人可以好脆弱，唔通真係要逼死？」
其他文章：
張致恒老婆雯雯疑驗出腫瘤！心痛兒子再入急症：出賣自己都要保住個屋企
張致恒大仔5歲生日一家六口切蛋糕 語重心長寄語：唔好好似Daddy咁失敗
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
