麥秋成2歲囡囡遺傳爸爸「戲屎」？ 麥QQ扁嘴做戲又求又拜萌爆
發佈時間：19:30 2024-03-21
現年44歲的麥秋成於2021年與湯怡奉女成婚，同年6月誕下女兒「麥QQ」。麥秋成與湯怡經常在社交網分享一家三口的甜蜜或有趣事。昨日（20日）麥秋成在IG分享了一條麥QQ「掛住爸爸」的搞笑影片，囡囡又求又拜仲扮喊，好戲又可愛！麥秋成竟笑稱：「衰女包啲戲咁屎，似我！」
相關閱讀：前TVB男星冧索妻慶結婚3周年 一家三口泳裝放閃囡囡跌膊搶星媽鏡
麥秋成囡囡麥QQ被嘲「戲屎」？
舞蹈員兼演員的麥秋成，昨日與囡囡麥QQ在IG共同分享了一條囡囡的搞笑影片，寫道：「QQ掛住爸爸，嗰個情感係由外到內，再由內到返外的，佢真心掛住爸爸的，只不過太會演喇！」從影片看到坐在床上的麥QQ望著鏡頭說：「好掛住、掛住，掛住爸爸，我要爸爸，我要爸爸，我要爸爸…」麥QQ扁嘴又求又拜，仲雙手放在臉頰上打圈，極之可愛！麥QQ突然停頓發呆兩秒，然後哈哈大笑，雙手掩嘴偷笑後，又突然入戲雙手捽眼兼皺眉頭扮喊說：「我掛住爸爸！」。
麥秋成笑囡囡戲屎
囡囡麥QQ想念爸爸之情未有溶化麥秋成，卻被麥秋成嫌戲屎，他在帖上留言：「衰女包，啲戲咁屎，似我」，不過麥QQ卻贏得網民歡心，「小妹妹好好戲呀，太可愛了」、「QQ好搞笑，又喊又笑話掛住爸爸，佢個兩粒酒粒甜到漏」、「佢第日又係最佳女主角呀」、「好好笑，QQ自己都忍唔住笑」、「天9哥（麥秋成角色名）啲戲咁屎，QQ都唔弱，好戲家族」、「真情流露~真的掛著父親」，有網民就發現了喊晒口的麥QQ「冇眼淚嘅」。
湯怡與麥秋成女兒麥QQ萌照：
麥QQ演藝天分高
其實年幼的麥QQ充滿演藝天分，上個星期麥QQ竟在IG以「我要做model」為題發帖，寫道：「大家覺得呢位小朋友有潛質嗎？投個票畀 #麥QQ吖」，從影片中看到麥QQ跟著潮流雜誌的model擺甫士，似模似樣的！而今個月初麥秋成先在IG分享了一條囡囡著比堅尼食麥皮的影片，麥秋成也忍不住向周秀娜宣戰，他寫道：「又跌膊又漏麥皮，如果我個女出寫真，有冇機會冚低娜姐嗰本？#最鍾意你個肚腩仔#食麥皮好健康 @mak.q.q」，網民在他的帖上留言力撐麥QQ，「Sure win la…QQ wor…」、「麥QQ，又cute又sexy」、「由胃腩到肚腩圓QQ」、「win青春」，有網民更留言指麥QQ有自己的主見，「睇到妹妹好知道自己要啲咩」。
其他文章：
湯怡兩歲半囡囡麥QQ變家務擔當 全副武裝拖地網民留意表情變化
湯怡兩歲愛女返學新增「尖叫」技能 爆麥QQ太黐身練出強勁臂肌
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
