TVB小花陳嘉慧誕B曝光囡囡正面萌樣入院10日撐到順產直言過程痛苦結果甜蜜

更新時間：18:30 2024-03-21
發佈時間：18:30 2024-03-21

現年27歲的TVB小花陳嘉慧（Erica）去年10月閃嫁富貴男友Calvin，已於3月18日火速宣布囡囡已經出世，當日陳嘉慧貼出兩張BB女的腳仔相報喜，女兒出世時重3.073公斤（約6.76磅）。陳嘉慧今日（21日）在社交網再公開B女的新相，除見到手仔外，影片更曝光囡囡的正面，臉圓圓非常可愛。

相關閱讀：TVB小花陳嘉慧榮升做媽媽！順利誕下小公主：多謝你出現喺我嘅生命

陳嘉慧晒B女肥嘟嘟正面樣？

影片中，見到有一雙手為陳嘉慧的BB掃背，小朋友一臉想瞓表情，之後更擘大個口「打喊露」，昏昏欲睡。而陳嘉慧亦有在IG貼出與老公的合照，二人在升降機內打卡，估計是老公接她出院。另外陳嘉慧又收到兩束花，見到她在玻璃的倒影擺心心甫士，住院期間不忘自娛。

陳嘉慧感謝老公照顧

陳嘉慧留言：「Hello BB終於等到你出世啦，喺一個好漫長10日住院內，真係好多謝#孫錫鴻醫生同港怡醫院啲姑娘們，原本可能會食全餐直到可以順產，將冇可能變有可能，多謝你哋同我一齊堅持努力，每一日都俾咗好多鼓勵我，當然唔少得我嘅xiabb老公啦！陪足我10日醫院，日日陪我行樓梯，晚晚幫我按摩，love u #係要撒下狗糧嘅，雖然個過程係痛苦，但係結果係好～甜蜜，多謝你揀咗我哋做你daddy mammy！餘生請多多指教喔BB #全家總動員支持 #幸福 #mylove #一生完即收到花花好開心 #多謝我嘅朋友們 #係愛啊」。