陳煒罕談夫妻房事自爆「錫錫好重要」 醫生老公用3字作床事密碼︱專訪
發佈時間：10:00 2024-03-16
50歲的陳煒早前為丈夫陳國強經營的醫美中心任代言人，罕有兩夫妻一同現身公開活動。陳氏夫婦接受《星島頭條》專訪，大談兩公婆生活趣事。陳煒更公開房事，自爆每晚要求老公說「I love you forever」兼錫錫，陳醫生還會寫甜蜜暗語「see you tonight」。
相關閱讀：陳煒玩透視露半球撐老公醫美中心開幕 收正常價做代言人自誇有少女味
陳煒夫婦寫愛的宣言：
2022年再婚的陳煒，曾於2018年與台灣商人顏志行結婚，可惜這段婚姻僅維持4年便結束。前年再次出嫁的她，成為現任丈夫陳國強醫生的太太後，坦言天天開心笑不停。兩人罕有一同受訪，陳煒全程笑瞇瞇 更提及「房事」，「每晚錫錫都好緊要，每日不斷錫錫，臨瞓前一定要講『I love you forever』、『see you tomorrow morning』，我迫佢講，由開始嘅時候已經訓練佢，總之每晚都要同我講，依家佢自己會講。」
陳國強寫暗語公開房事
記者要求陳煒寫一封「給老公的信」，她想了想便動筆寫道：「Honey：I love you forever！See you tmr morning！」寫罷便向老公說「寫給你的」，陳醫生看過後竟鬼馬地說：「我想喊！I love you forever！呢句對白我平時會講，我以為佢講俾我聽添，我每晚講一次！」而陳醫生寫給陳煒是：「I love you forever too，see you tonight！！！XX」，陳醫生解釋：「佢in the morning，咁我tonight，tonight有啲特別嘢啦！一般（夫妻）嗰啲嘢…」陳煒聞言即笑不攏嘴說：「多謝多謝！」
婚姻欠缺溝通成致命傷
性生活對婚姻固然重要，但陳煒坦言，從上一段婚姻中學會「溝通」，坦言是維持婚姻重要一環。陳煒坦承上一段婚姻雙方欠溝通及交流，久而久之兩人變得沒話題。當年她息影遠嫁台灣，她形容自己當時每天待在家裡處理大小事務，但這段感情的結果卻不似預期。她更自嘲當時如「外傭姐姐」或「家中一件擺設」，又指當時每日困在家中跟貓貓玩，「每日冇事發生，冇嘢同另一半傾，呢個係致命傷。」
陳煒專訪靚相：
跟伴侶多溝通
陳煒汲取過去的經歷，現在的她更懂得維繫婚姻，認為夫妻彼此除了是伴侶外，也是一個傾訴對象，直言現在無論開心與否都會互相分享。她又指，對方可以為你去分憂，亦可以分享喜悅，但最重要是，絕不能躲在家裡做黃面婆。「女人係咪要工作呢？我覺得，就算你唔工作，都要貼近社會，尤其係身處香港，每日都可以有好多事去忙，可以去做義工、參加興趣班，甚至可以多啲同朋友聚會，你每日有接觸理解到社會發生嘅事，先會多話題去傾，唔可以同社會脫節。」
陳煒指，除了傾訴，陪伴都是兩人為愛情保鮮的秘訣之一，「就算我要開工，收凌晨4點，我都希望早上8時45分起身煮早餐，然後放喺佢面前，大家相對半小時傾偈，送佢出門，我再繼續瞓。之後中午通電話，晚上有時間就喺屋企煮飯，大家一邊睇電視一邊傾偈，平平淡淡兩個人靜靜地陪伴和傾訴，已經好足夠。」
陳醫生炮製晚餐送驚喜
提到下廚，陳煒憶述曾經給丈夫的一次「廚藝挑戰」，雖然最終「嚇親」，但可說是甜到入心，「嗰餐係我想畀個挑戰佢，一個醫生連街市都未入過，路過街市佢都話呢個我病人，嗰個又我病人，佢會擔心唔好意思行入個街市！」陳煒笑言，老公去買菜心苗，但煮出來卻是爛溶溶的菜心，「（佢煮出嚟啲餸）好似係就嚟收檔拎嚟賣嗰啲嘢，凍肉店買咗醃好又薄嘅豬扒，唔使佢調味。但，總之佢有心去嘗試已經好叻！好多謝佢！」
重溫陳煒多年來靚相：
兩夫婦吵架因陳煒太熱情
當然，恩愛夫妻總有「吵大鑊」時候，而陳煒夫婦亦不例外，她指兩人吵架主因都是因為陳煒對男性朋友「過份」熱情，「嗌交真係好少，佢jealous（妒忌）囉！同唔熟嘅朋友，我熱情咗少少，佢就jealous（妒忌），佢即場冇黑面，佢會返到屋企先講，大家會將唔開心嘅嘢講出嚟，唔會隔夜，第二朝會好返，開心返。」對此，陳煒直言能理解丈夫，說罷記者再問陳醫生：「做咩咁妒忌？」陳醫生即火爆地說：「佢（指對方）醉醉哋，想抽水，我真係想教訓佢！」
撰文：林碧洋
攝影：譚志光
其他文章：
陳煒慶50歲生日！大露香肩完勝35歲閨密女星 再婚生滿美滿等老公驚喜
黎明演唱會丨「多功能閨密」Re-U欠一人！49歲陳煒淡妝飄仙氣 同齡楊千嬅雙眼皮怪異
TVB女星曝光陳煒7年前做姊妹靚相 驚見樣貌零變化凍齡術勝醫生老公
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
