中年好聲音2丨陳俞霏曝光3歲女萌照！因童年陰影不想生育：唔想佢過我以前嘅生活

即時娛樂

更新時間：15:50 2024-02-16
發佈時間：15:50 2024-02-16

TVB歌唱真人騷《中年好聲音2》，周日（18日）播出第十部曲《雙語之歌，累積排名榜十強隆重登場！》上半場。本回合12強選手將輪流獻唱雙語之歌爭入10強，每回合最低分 2 位被淘汰！

相關閱讀：《中年好聲音2》張佳添愛女夠18歲！批准做三事惹負評曾離婚兼惹官非

陳俞霏晒溫馨母女照：

《中年好聲音2》進入白熱化階段，12強選手為爭奪10強使盡渾身解數，據知本回合全線選手皆獲得80分以上，值得期待！以全白Look上陣的陳俞霏獻唱《守望麥田／百年孤寂》，她坦言被歌詞感動，悟出不少人生道理。對於陳俞霏演出，張佳添說：「你揀啱歌，好表現到你嘅個性，（情感）啱啱好唔會過多或者過少，你喺台上有一種揮灑（自如）感覺，唔會覺得好煩。」肥媽則指陳俞霏過於忘我：「佢直情係睬你都傻，冇睇過我哋，佢真係好享受個舞台，呢樣係啱嘅，但要畀番少少面班評判，好似唔當我哋存在咁，係咁意得閒望吓我哋啦！」非常搞笑。

陳俞霏家有超級嚴母

陳俞霏賽前接受製作組訪問時，透露育有一名3歲多的女兒，女兒現在於廣州生活，她坦言當初其實沒有想過要生小朋友：「講真我呢世人最唔想要嘅就係小朋友，因為唔想我嘅小朋友過住我以前過嘅生活。」陳俞霏直指兒時媽媽對她十分嚴厲：「佢希望我成績全部係滿分，99.5分對佢嚟講已經係瑕疵，令我有少少心理陰影，覺得自己一直為人哋而活。」陳俞霏指最終沒想到反而在女兒身上找到救贖：「佢畀咗好多快樂我，我人生一直係我媽咪話晒事，有咗囡囡先發現人生原來唔係咁。」最後她寄語女兒：「做自己，唔好理人哋，開心就得！」