李家仁買定墳位規劃環保葬禮 73歲兒歌醫生：等我死咗先退休 棄做太子爺賣舖身家暴漲
發佈時間：15:00 2026-11-08 HKT
73歲的兒科醫生李家仁，多年來憑〈小明上廣州〉等兒歌深入民心。這位深受歡迎的「兒歌醫生」出身中產，是前灣仔東方書局的太子爺，2021年賣出家族持有的灣仔地舖，獲利三千多萬元。雖然身家豐厚，但他依然選擇當兒科醫生。他坦言當年因看見內科病房的長者被家人冷落而感到難過，相反醫治小朋友卻充滿快樂：「細路仔佢病、唔舒服，你醫好咗之後呢，佢好開心嘅，蹦蹦跳跳咁樣。」
李家仁看淡生死準備身後事
近年李家仁身形明顯消瘦，他幽默表示「減肥係我哋一生嘅追求」，並大方承認患有三高問題：「有邊個唔血壓高先？好多年都血壓高，但最緊要你知道有，面對佢、接受佢、處理佢，包括睇醫生、食藥。」即使年屆73歲，他依然沒有退休計劃：「有個婆婆見到我問：『你幾時退休呀？』我話：『我幾時退休？等我死咗先！』真是咁嘅心態，尤其做兒科唔使咁多做手術，可以繼續做落去，一切隨緣。」見慣生老病死的他對死亡亦看得極開，更以早年買定墳場出口位、預先交代身後事的父親為榜樣，提早規劃環保葬禮：「要講就『不吉利』，其實無所謂嘅，最緊要死亡睇得淡啲。你走咗之後，邊個擔保你底下呢啲仔會唔會嚟拜你呢？你預咗無就最好喇！我一朝送命喇，贊成第一件事火化遺體，然後啲灰唔需要擺屋企，撒喺大自然。但我唔想掟我落海，因為我好遲先學識游水，唔掂！」
相關閱讀：李家仁醫生「斷崖式暴瘦」惹全城擔憂 螫伏1年再有驚人變化 一特徵徹底改變令人嘆息
李家仁唱〈小明〉系列兒歌爆紅
除了懸壺濟世，李家仁亦積極投身公益，曾任九龍樂善堂主席，現為聖約翰救傷會副總監，並先後於2005年獲委任為太平紳士及2015年獲頒銅紫荊星章。在公職與醫務以外，他多年來堅持自掏腰包出唱片。他獲經理人兼作曲家韋然量身訂造〈小明坐火車〉，在內地及香港大受學生歡迎：「嗰陣時喺廣州亞運，我話：『喂，韋然唔得喇，一定要唱歌呀！』立刻寫咗首〈小明上廣州〉，咁就一曲成名喇！我其實想啲後生仔女一路唱小明，一路由呢度去嗰度。」
李家仁作歌紀念媽媽
唱過無數歡樂兒歌，李家仁心中最深刻的作品卻是紀念亡母的〈電車〉。他憶述昔日書店位於舊軒尼詩道官立小學街角，每晚十點多都會陪辛勞的母親搭電車回家，母子情深：「〈電車〉呢首歌係我掛住、紀念我媽媽作嘅，嗰幾年一唱歌我就喊喇！因為我同我媽媽時時坐電車，係好辛苦嘅日子。呢首歌完全表達我對媽媽嘅愛意，過去咗，佢唔喺度喇，係我好自私嘅一首歌。」
相關閱讀：73歲李家仁醫生現身《流行都市》 仍未退休思路清晰 曾出多首兒歌拒做全職歌手：搵唔到錢
