中年好聲音2 丨劉可被淘汰後火速接JOB 認表現失準仍獲TVB特別厚待
發佈時間：19:00 2024-02-12
TVB真人騷《中年好聲音 2》在昨晚（11 日）播出的一集，「黑馬」劉可一如傳聞12強止步，與王玥齊齊被淘汰出局！有不少網民在FB《中年好聲音2》的討論區留言表示不滿，但事件未有對劉可造成影響，不單獲TVB特別製作了劉可參賽的10首歌曲製作成短片，而且劉可亦現身商演活動，難怪劉可對Foul未有太大傷感：「呢一刻我都好開心。」
相關文章：中年好聲音2丨12強名單提早流出？劉可疑哭腔唱功累事 投資5位數字開工作室：唔使咁擔心
中年好聲音2丨劉可12強止步有冇失望？
12強名單在昨晚正式誕生，分別是鄭梓浩、陳俞霏、陳蒨葶、林若盈、安雅希、顏米羔、沈宗賢、陳燕娜、古淖文、黃劍文、劉威煌和譚輝智，獲得79分的劉可和75分的王玥齊齊12強止步，評審張佳添宣布淘汰名單時坦言：「呢個絕對係好困難好痛苦嘅決定，都有啲傷感。」他亦讚劉可由第一集開始給大家驚喜：「到中間畀到啲好正、有啲爭議性嘅演出，其實你係一個真正嘅 Artiste你要繼續唱歌，唱多啲好歌。」而被 Foul的劉可未有太大傷感：「好慶幸企喺呢個舞台，始終我太耐冇唱喇，咁多位都好犀利，呢一刻我都好開心，唔係好傷感。今次最開心係可以見到陳慧嫻老師，雖然今次呢隻歌唱得有失水準，但好想同你講你係我畢生嘅偶像，最後仲要多謝我嘅屋企人、Fans同埋朋友，係我最大嘅 Back Up。」
宣布了12名單後，TVB特別製作了劉可參賽的10首歌曲製作成短片上載網上，有網民留言：「劉可，你快啲正式出道，我們需要你這種有個性，有膽識，有創意，有唱功，有靚聲的歌手。」、「在這種真人騷比賽中，劉可不按章法，有自己的想法，未能討好評判，是吃虧的。」、「作為觀眾，作為一個聲樂的學習者，我欣賞他的聲線、技巧，更欣賞他的獨特。感謝TVB讓我認識了劉可，相信他日後可以走更遠的路，不會被比賽的名次規限，畢竟觀眾的眼睛是雪亮的。」、「劉可，你沒有輸！你的唱功，你的真誠，你的正面，你的獨特，贏得了我們真聽歌的歌迷的心。」、「劉可，“你就是你，是顏色不一樣的煙火”，閃亮了我們每一位真喜歡你真欣賞你的歌迷。你一定不要灰心不要氣餒！」
中年好聲音2丨劉可參賽歌曲逐首睇：
劉可計劃在娛樂圈發展
事實上劉可曾經表示：「個節目係一個綜藝節目，能夠行得到呢步已經好好，就算邊個淘汰都冇所謂，係真人騷唔係正式比賽，大家唔使咁擔心我。」所以宣布一刻未見太失望，他亦已經為將來做好準備，最近更投資五位數字，與《中2》參賽者丁曉和邵立勤在紅磡開設「牛可音樂工作室」，今日更被邀請出席馬場活動，獲不少粉絲到場支持，劉可在訪問上坦言現在沒有比賽壓力，心情輕鬆得多，被淘汰也是沒辦法的事，但盡力做好已經對自己有所交待，亦計劃在演藝界發展。
其他文章：
中年好聲音2丨黑馬劉可12年前表演片曝光！表情誇張哭腔驚人 屢參加比賽曾擁圓潤樣？
中年好聲音2丨黃劍文自揭悲慘身世！生日卻遇媽媽自殺身亡：後父唔想我嗌阿媽做阿媽
中年好聲音2丨鄭梓浩高貴母現身撐仔！曾歌手夢碎霉到賣菜 有位親戚是《18樓C座》一員
------------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
