周潤發上環貼地買兩餸飯掀熱議！手指指認真揀餸網民好奇食得肥膩？

更新時間：16:00 2023-12-29
發佈時間：16:00 2023-12-29

現年68歲的影帝周潤發（發哥）生活一向貼地，曾被不少網民在平民餐廳、街市、行山時捕獲，而發哥今早（29日）又再度登上Facebook群組，今次是有網民在上環一間兩餸飯店舖遇見發哥，在「香港兩餸飯關注組」發文貼出自拍，以及當時發哥買兩餸飯的情況，雖然發哥已不是第一次幫襯兩餸飯，但貼地舉動仍掀起網民熱議。

相關閱讀：周潤發胞姐周聰玲腳傷出院終現身急步行跌傷幸冇骨折入院未有通知家人

點擊睇周潤發貼地生活：

網民在社交網分享兩張照片，一張是發哥正在手指指揀餸，另一張則是與店舖職員的自己照，一如以往都是由發哥掌鏡，而且笑得開懷。網民留言：「野生捕獲發哥！發哥都去食上環添飯餸呀！」穿上全黑打扮的發哥，未有引起排在身後的顧客關注，反而是有女店員走到顧客區，拎起手機站在旁邊拍攝，證明發哥魅力比起工作更吸引。

網民羨慕巧遇周潤發

不少網民非常羨慕拍攝者：「不知發哥後面的顧客是否知道有奇遇？」、「見到發哥同中六合彩差唔多咁開心」、「俾我見到發哥我會開心到瞓唔著」。又好奇發哥食乜餸：「好想知發哥食乜餸？」、「發哥發辦，究竟食咩餸」、「係我會俾十餸發哥男神！」、「除咗發哥，其他大明星真係唔會食兩餸飯」、「夠唔夠營養」、「發哥買比（畀）發嫂食喳，佢點會食咁肥嘅嘢呢」。又有網民認為：「咁多億身家都要食呢D嘢」、「發哥幾億身家好心食好D啦，個個食兩餸飯香港經濟點搞」、「咁節儉唔通真是傳說中全部都做善事……」等。