周潤發胞姐周聰玲腳傷出院終現身 急步行跌傷幸冇骨折入院未有通知家人
發佈時間：19:55 2023-12-04
影帝周潤發胞姐周聰玲原定今日（4日）出席劉香萍執導的電影《一顆心中的許願樹》慶祝活動，但因周聰玲日前不慎發生小意外而弄傷腳，安全起見特別入院進行詳細檢查，導演劉香萍受訪時表示，現身在醫院的周聰玲，會盡量爭取出院亮相活動。周聰玲今日最終趕及出席活動，與黃夏蕙齊齊現身並講述事發經過。
【相關閱讀】：68歲周潤發首挑戰半馬「Sub 230」完成感滿意 過終點舉動見證超強體能
【點擊睇周聰玲相片】：
今日周聰玲與黃夏蕙齊齊現身活動，黃夏蕙全程傍實好友，精神奕奕的周聰玲被問受傷詳情，她稱上周六（2日）弄傷：「呢啲係無心之失，嗰日我趕住去評賞做評判，行得急得滯跌親，做完返去睇咗跌打都唔係好掂，咪去瑪麗醫院睇下有冇跌傷啲骨，又或者有冇裂咗，住咗兩晚醫院食消炎藥。」周聰玲還說：「唔係骨嘅問題，係跌親撞到啲筋骨，我驚撞到啲骨咪去醫院，好彩冇骨折，我冇通知發哥，費事家人擔心。」
周聰玲是周潤發的胞姊，兩姊弟同樣是攝影愛好者，在1997年，周聰玲將周潤發3張照片、以化名參加香港回歸攝影聯展，結果其中一張作品獲得三等獎。曾有報道指，周聰玲以前在一間報社任職攝影記者，周潤發二話不說就買了一套攝影器材給她，周聰玲亦曾訪問上大讚弟弟對家人很照顧。周聰玲常把周潤發掛在口中，因周潤發非常照顧她，多次大讚弟弟「冇得頂」、人品又好、性格隨和：「南丫島這樣的窮鄉僻壤出咗個國際巨星，我當然好開心，佢光宗耀祖。能衝出香港發展亦都係佢個人嘅努力，能夠去到荷里活，數埋香港冇幾多人。」周聰玲續道：「佢全世界嘅獎項都有、錢又有，今時今日仲攞埋四個字『反璞歸真』，要生活簡單並不簡單，平凡中見不平凡，呢啲叫做超然、逍遙自在，佢昇華到活出咗般若智慧。」
【點擊睇周潤發愛跑步行山感染藝人好友】：
對於周潤發為自己置業，周聰玲曾稱心中有一句說話很想對發哥說：「我想講無言感激，一個親人照顧得自己咁好係一種福氣，好感恩。每個星期屋企人都會出嚟食飯、飲茶，都係由佢召集兼付款。對於佢人生中遇到嘅不如意事，我唔會出聲，甚至唔會打電話畀佢，因為佢身邊有好多顧問、精英、高人，我畀佢安靜已經足夠。」周聰玲更說：「我有乜事都係打畀細妹或者大佬，因為我知佢好忙。好多年前，我去過佢屋企同佢食飯，佢捧住碗飯，但抖到差啲將個碗跌落嚟，攰到咁，又要記台詞，我睇佢咁忙，從此唔同佢聯絡，唔騷擾佢，盡量畀佢多啲空間做自己嘅嘢。」
【其他文章】：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
