星8卦｜「木記」被包養絕跡銀幕復出好感度增娶妻做大贏家

更新時間：11:00 2023-09-12 HKT
發佈時間：11:00 2023-09-12 HKT

「木記」搵到「后妹」之後，佢總算開始番一個正常嘅人生。如果有印象，「木記」有一段好長時間都冇出嚟，直情係人間蒸發咁款，其實背後有另一個故事。因為「木記」俾「阿太」收埋，完全唔畀出街，好彩佢哋間屋真係唔細，複式兩層，叫做有空間。

「木記」都估唔到自己有啲咁嘅奇遇，當日做場表演，啲視頻俾一個人拍低，返去無意中俾老闆娘睇到，「阿太」好似搵番自己初戀咁，叫伙計用方法去識到佢。當時「木記」真係好無運，生活都有問題，「阿太」直接同佢講，可以包養佢半年，條件係唔可以再出現人前，因為自己有段好唔開心嘅婚姻，但又唔可以終止夫妻關係，唯有用錢買幻想。

於是「木記」見到有錢賺，又唔使出嚟見人，咪當自己去咗第二度進修，真係消失幕前成年，好彩當時佢又唔係太紅，「阿太」日日同佢喺屋企開心，都唔係話好包養Feel嘅，傾吓偈，製造啲被愛感覺已經好滿足。奇在合約完咗之後，「木記」返出嚟反而多咗觀眾緣，仲搵到「后妹」呢個好老婆，亦同佢坦白咗自己做過啲乜，但呢筆錢就可以令兩個人以後生活無憂，連「阿太」都時不時同佢哋食吓飯，做埋朋友！