星8卦｜「木记」被包养绝迹银幕复出好感度增娶妻做大赢家

更新时间：11:00 2023-09-12 HKT
发布时间：11:00 2023-09-12 HKT

「木记」揾到「后妹」之后，佢总算开始番一个正常嘅人生。如果有印象，「木记」有一段好长时间都冇出嚟，直情系人间蒸发咁款，其实背后有另一个故事。因为「木记」俾「阿太」收埋，完全唔畀出街，好彩佢哋间屋真系唔细，复式两层，叫做有空间。

「木记」都估唔到自己有啲咁嘅奇遇，当日做场表演，啲视频俾一个人拍低，返去无意中俾老板娘睇到，「阿太」好似揾番自己初恋咁，叫伙计用方法去识到佢。当时「木记」真系好无运，生活都有问题，「阿太」直接同佢讲，可以包养佢半年，条件系唔可以再出现人前，因为自己有段好唔开心嘅婚姻，但又唔可以终止夫妻关系，唯有用钱买幻想。

于是「木记」见到有钱赚，又唔使出嚟见人，咪当自己去咗第二度进修，真系消失幕前成年，好彩当时佢又唔系太红，「阿太」日日同佢喺屋企开心，都唔系话好包养Feel嘅，倾吓偈，制造啲被爱感觉已经好满足。奇在合约完咗之后，「木记」返出嚟反而多咗观众缘，仲揾到「后妹」呢个好老婆，亦同佢坦白咗自己做过啲乜，但呢笔钱就可以令两个人以后生活无忧，连「阿太」都时不时同佢哋食吓饭，做埋朋友！