星8卦｜「俊朗」慳溝「嬌嬌」「才子」踢爆渣男真面目 佳偶天成
更新時間：11:00 2023-09-01
發佈時間：11:00 2023-09-01
發佈時間：11:00 2023-09-01
字體大小
「俊朗」真係多情，去到邊都有辦法溝到女，而且仲唔使錢，相信佢都係男人嘅典範。話說佢最叻溝啲入世未深嘅書院女，憑自己一直好紅，所以成日食免費餐，「嬌嬌」足足成10年都俾佢迷得神魂顛倒。
「俊朗」無論去到邊都會打電話畀「嬌嬌」，情話講盡，嘘寒問暖，每次出完埠就會買啲唔值錢嘅手信，例如毛公仔，香水或者拎啲酒店紀念品。但憑佢好叻講嘢嘅天份，每件禮物背後都係佢對「嬌嬌」嘅思念，「嬌嬌」又係嗰啲學院感性派，覺得自己係愛情小說嘅女主角。
直到遇到而家嘅老公「才子」，以前佢一直有幫「俊朗」做嘢，見盡「俊朗」溝女嘅手段，知道「嬌嬌」係另一名受害者，唔抵得頸，所以同「嬌嬌」 交心，仲搵到佢收工之後同合作嘅靚女模特兒去自己嘅私竇Happy。
「嬌嬌」初時仲唔醒，之後再有另一啲女人有意無意話同「俊朗」有路，目的係晒命。「嬌嬌」因為同「才子」多咗接觸，仲有感激之心，「才子」順勢力追，唔使太耐就攻陷咗芳心，好快仲生咗一男一女，鬼咁幸福。「才子」身邊好友成日笑佢都唔知係咪一早睇中「嬌嬌」，踢爆「俊朗」假面目至可以順利娶得美人歸。
【相關文章】：
星8卦｜「純品」被「精叻」出賣好無面 因禍得福「猛男」照顧衣食無憂
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
殺蟑螂全家！台女用「1神器」輕鬆殺數十曱甴 效果震撼全網：種族屠殺
2024-05-19 12:57
名DJ過60歲生日收4隻「馬」榮升「馬主」？朋友送Hermès慶祝 橙盒排開任揀
2024-05-18 21:30